2 Kolinito 6:4 - Tokelauan New Testament

⁴ Kae ko nā mea uma e ki mātou faia, e kitea ai ko ki mātou ni kaukauna e a te Atua. Ko ki mātou e onohai pea lava, e ui lava e maua ki mātou i te lahi o puapuagā, fakafītāuli ma lavelave.

2 Kolinito 6:4 ပူးပေါင်းရင်းမြစ်များ

Luka 21:19

Ko te koutou onohai, ka maua ai e koutou te ola moni.

Ioane 16:33

Ko au kua lea atu ki a te koutou i te mea tēnei, kae ke maua ai e koutou te fīlēmū, ona ko koutou e tahi ma au. Ka hāuāgia koutou e te lalolagi. Kae loto tetele! Kua fakatōkilalo e au te lalolagi!”

Gāluega 2:22

“Koutou nā tino o Ihalaelu, fakalogo mai ki nā kupu iēnei! Ko Iehu te Nahaleta, ko he tino na filifilia e te Atua e vē ona fakaali tino atu ki a te koutou, e ala i nā gāluega mamana, nā vāvega, ma nā fakailoga na fai e te Atua kui mai ia te ia. E iloa lelei lava e koutou te mea tēnei, auā ko nā mea iēnei na tutupu lava i kinei i te mea e i ei koutou.

Gāluega 20:34

E iloa lelei lava e koutou, ko oku lima lava iēnei nae galue ke maua ai nā mea uma nae manakomia e au ma oku hoa a kaukauna, ke ola ai ki mātou.

Gāluega 9:16

Ma ka kō fakahinoa ki ei te lahi o nā puapuagā ka pa ia ki ei, ona ka ia fakailoagia toku igoa ki tagata.”

Loma 14:18

Ma kāfai koe e tautua ki a Keliho i te auala tēnei, ka fiafia ai te Atua ma fakaaloalo atu ia tagata ki a te koe.

Loma 16:10

E fakafeiloaki atu ki a Apelene, ko tona fakamāoni ki a Keliho kua fakamāonia. E fakafeiloaki atu ki a te koutou i te kau kāiga o Alihitopula.

Loma 3:5

Kae e vēhea kāfai ko te fai e ki tātou o nā mea hehē e fakaalia ai te hako o nā mea e fai e te Atua? E mafai nei ke lea ki tātou ko te Atua e hehē kāfai ki tātou e fakahala e ia? (Ko he fehili tēnei e tatau lava ke fehili ai.)

Loma 5:8

Ka kua fakaalia e te Atua tona alofa ki a te ki tātou — ko te taimi ka koi i te agahala ai ki tātou, na oti ai ia Keliho mo ki tātou.

1 Kolinito 3:5

Kae ko ai nei ia Apolo? Ko ai foki ia Paulo? Ko ki mātou kua nā ni kaukauna na fakaaogā ke auala mai ai te koutou talitonu. Ko ki mātou e gālulue i nā gāluega na tōfia ai ki mātou tau tokatahi e te Aliki:

1 Kolinito 4:1

E tatau ke ia te koutou te manatu ko ki mātou ni kaukauna e a Keliho, ni tino kua tōfia ke kikilāgia nā meamoni lilo a te Atua.

1 Kolinito 9:11

Kāfai na ki mātou totōagia nā mea lelei fakateagaga ia te koutou, e hē fetaui nei kāfai e helehele e ki mātou ni mea ke tauhi ai ki mātou, mai ia te koutou?

2 Kolinito 11:23

Ni kaukauna nei ki lātou e a Keliho? Ko au e vē he vale — kae ko au he kaukauna e hili lele atu ia te ki lātou! E hili atu toku galue mālohi, e lahi atu nā taimi nae i te falepuipui ai au, e lahi atu nā taimi na kini ai au, ma e lahi atu nā taimi na mea e mate ai au.

2 Kolinito 11:27

Ko au nae galue ma te fītā; e lahi nā pō nae hē maua haku moe; nae fia kaia ma fia inua; e lahi nā taimi nae hē maua ai haku mea ke kai, he mea ke fakamalu ki ei, pe ni kofu ke fakamāfanafana ai.

2 Kolinito 11:9

Ma i te taimi tēnā, e hēki fakafītā lele atu au ki a te koutou, kāfai au e fofou ki he tupe; ko nā mea uma lele na manakomia e au, na kaumai e nā uho Kelihiano i Maketonia. E hēki fakafītā atu au ki a te koutou i te taimi kua teka, e vēnā foki oi hē fakafītā au ki a te koutou i te lumanaki.

2 Kolinito 12:10

E kō taliagia la oku vāivaiga, nā kupu tau fakakino, nā fakafītāuli, nā fakahāuāga ma nā fakalavelave tutupu, ona ko Keliho. Auā kāfai au e vāivai, oi e mālohi ai au.

2 Kolinito 12:12

Ko te lahi o nā fakailoga ma nā mea ofoofogia e fakamāonia ai ko au ko he apohitolo, nae kō fakatinoa i te mea e i ei koutou ma toku onohai lahi.

2 Kolinito 2:17

Ko ki mātou e hē vē ko te tokalahi o iētahi tino; e folafola e ki lātou te fekau a te Atua kae ke maua ai ni a lātou tupe; kae ona ko ki mātou na uga mai e te Atua, ko ki mātou e tautatala ma te fakamāoni i mua o te Atua, e ala ia Keliho.

2 Kolinito 3:6

ko ia lava te na mafai ai ki mātou ke kavea ma kaukauna ki te feagaiga fou. Ko te feagaiga tēnei e hē ko he tūlāfono tuhituhia, kae ko he feagaiga i te Agaga. Auā ko te tūlāfono tuhituhia e maua ai te oti, kae ko te Agaga e maua ai te ola.

2 Kolinito 4:17

Ma ko nā tamā fakafītāuli iēnei e fetaiaki ma ki mātou ka maua ai e ki mātou nā vīkiga e fakavavau, e lahi mamao atu i lo nā fakafītāuli.

2 Kolinito 4:2

Kua tuku kehe e ki mātou nā uiga mātagā uma ma nā faiga fakalilolilo; e hē taumafai ki mātou ke fakahehē he tino, pe fakaliliu hehē te fekau a te Atua. E molimau te Atua ko ki mātou e tautatala oioti i te meamoni, ma ko te mea ia ka mafai ai ke talitonu mai nā tino ki a te ki mātou.

2 Kolinito 4:8

E maua ho ki mātou i nā fakafītāuli, kae e hē haihaitia ai ki mātou. E maua ho ki mātou i nā fakahētonu, kae e hē fakavāivai ai ki mātou.

2 Kolinito 7:11

Kikila ki te mea na fai e te Atua ki te loto fakanoanoa o koutou: kua fakaatili lele ai te koutou naunau ke fakamāonia e hēai he hehē o koutou! Te lahi o te koutou hē fiafia, te loto popole, te atuatuvale, te lagolago mālohi mai ki a te au, ma te naunau ke fakahalagia o tē kua faia he mea hehē. Kua fakamāonia lava e koutou te hako o koutou, i te mea kātoa tēnei.

Kolohe 1:11

Koutou ke fakamākekeke i te mālohi kātoatoa mai tona mana, kae ke mafai ai e koutou oi talia nā mea uma ma te onohai. Ma i te agaga fiafia, hiki ake te fakafetai ki te Tamana, tē kua ia hāuniagia koutou ke maua he koutou vāega o te tofi kua uma te fakailoga e te Atua mo ona tagata, i te mālō o te mālamalama.

Kolohe 1:24

I te taimi nei, ko au e fiafia ke puapuagā au mo koutou, auā ko oku puapuagā i te tino e fehoahoani ai au ke fakakātoatoa nā puapuagā o Keliho koi totoe, mo tona tino, te Ekalehia.

1 Tehalonia 3:7

E ui lava la i nā fakafītāuli ma nā puapuagā e fetaiaki ma ki mātou, ko ki mātou kua fiafia lele ona ko koutou nā uho ma nā tuafafine. Ko te koutou fakatuatua kua fai ma fakamālohiaga ki a te ki mātou

1 Tehalonia 5:14

Ko ki mātou e ole atu ki a te koutou, te kau uho, ko koutou ke lapataki mālohi atu ki nā tino e nonofo tauanoa e hēai ni gāluega e faia, fakamākeke atu ki nā tino matamumuli, fehoahoani atu ki nā tino vāivai, ma ke lava te koutou onohai ki tagata tau tokatahi uma.

1 Timoteo 2:15

Kae ka maua e fafine te fakaolataga e ala i te fānau mai e ki lātou o tamaiti, pe kāfai e tūmau pea to lātou fakatuatua, te alofa ma te āmiotonu vēnā ma te loto maulalo.

1 Timoteo 4:6

Kāfai e tuku atu e koe nā fakatonuga iēnei ki nā tino kua talitonu, ka kavea koe ma kaukauna lelei a Keliho Iehu. Ka fakaalia e koe ko koe kua matua i nā akoakoga e uiga ki to tātou talitonuga ma nā takitakiga kua mulimuli koe ki ei.

1 Timoteo 6:11

Kae e vē la ki a te ko koe, ko koe ko he hui e o te Atua. E tatau la koe ke kalo kehe ma nā mea uma iēnei, kae tauivi mo te āmiotonu, te fakatuatua, te fakamāoni, te alofa, te onohai, ma te agamalū.

2 Timoteo 1:8

Ia koe la nahe mā oi molimau e uiga ki to tātou Aliki; ia koe foki nahe mā ona ko au, he pagotā ona ko Keliho. Kae ke talia e koe tō vāega o nā puapuagā mo te Tala Lelei, e vē ona fōki atu e te Atua te mālohi ki a te koe, ke fai ai e koe te mea tēnei.

2 Timoteo 2:24

Ma ko te kaukauna a te Aliki e hē tatau ke fai fīnauga, kae e alofa ki ho he tino, ma ko he faiakoga lelei ma lava te onohai,

2 Timoteo 4:5

Kae e tatau koe ke pūlea ki a te koe lava i taimi uma; onohai i nā puapuagā, ma fai tau gāluega tālaki ke uma.

Epelu 12:1

Ko te mea ia, ona ko ki tātou e hikomia e he kaifenua tokalahi o tagata e fai ma molimau, tuku kehe la nā mea uma e fai ma fakalavelave ki a te ki tātou, ma te agahala e pipiki mau mai ki a te ki tātou. Kae tātou fētutuli ma te onohai i te tūkuga ei mua nei o ki tātou,

Fakaaliga 1:9

Ko au ko Ioane, he uho ki a te koutou, ma ko he hoko e o Iehu. Ko au he hoa e o koutou, ma e talia ma te onohai e ki tātou nā puapuagā e maua ai nā tino e o ki lātou te Mālō. Ko au na kave ki te motu ko Patamo ona nae kō folafolagia te kupu a te Atua ma te meamoni na fakaalia e Iehu.

Fakaaliga 3:10

Ona ko koe kua mulimuli ki taku fakatonuga ke onohai, ka kō puipuia ai foki la koe ke haogalēmū kāfai e pa ki te taimi e maua ai te lalolagi i nā puapuagā, ke tofotofo ai ia tagata uma i te lalolagi.