2 Kolinito 6:16 - Tokelauan New Testament

¹⁶ E vēhea ona mafai ke talia nā tupua i loto o te mālumalu o te Atua? Auā ko ki tātou ko te mālumalu ia o te Atua e ola! E vē oi vāgana te Atua, “Ka mau au i loto o oku tagata ma havali fakatahi ma ki lātou; ka fai au ma o lātou Atua, ma ka kavea ki lātou ma oku tagata.”

2 Kolinito 6:16 ပူးပေါင်းရင်းမြစ်များ

Mataio 16:16

Kua tali mai ia Himona Petelu, “Ko koe ko te Mehia, te Ataliki o te Atua tē e ola pea lava.”

Mataio 6:24

“E hēai he tino e mafai ke kaukauna ki ni matai e toka lua; auā ka ita ki tētahi kae alofa ki tētahi; ka fakamāoni ki tētahi kae inoino ki tētahi. E hē mafai koe ke kaukauna uma ki te Atua ma nā tupe.

Luka 5:36

Na fai foki e Iehu te talafakatuha tēnei ki a te ki lātou: “E hēai he tino e hahae e ia he meakie mai he peleue fou ke fono ai he peleue tuai. Kāfai e ia faia, ka hahae e ia te peleue fou, ma ko te meakie fou ka hē fetaui ma te meakie tuai.

Ioane 14:23

Kua tali mai ia Iehu ki ei, “Ko nā tino e alolofa mai ki a te au, ka uhitaki ki aku akoakoga. Ka alofa toku Tamana ki a te ki lātou, ma ka oatu ki māua ma toku Tamana ki a te ki lātou ma nonofo fakatahi ma ki lātou.

Ioane 6:56

Ko nā tino e kakai ki toku kanofi ma inu ki toku toto, e tūmau ki lātou ia te au, ma au foki ia te ki lātou.

Loma 8:11

Kāfai te Agaga o te Atua tē na ia toe fakatūa ia Iehu mai te oti, e ola i loto ia te koutou, ko tona uiga ko tē na ia toe fakatūa ia Keliho mai te oti ka ia fōkiatua foki te ola ki outou tino e fano e oti, e ala i tona Agaga i loto ia te koutou.

Loma 8:9

Kae ko koutou e hē ola ma mulimuli ki te mea e fakatonu atu e te natula fakatetagata ke fai; ko koutou e ola ma mulimuli ki te mea e fakatonu atu e te Agaga ke fai — pe kāfai moni ko te Agaga o te Atua e nofo i loto ia te koutou. Ko ai lava e hē ia te ia te Agaga o Keliho, e hē a Keliho te tino tēnā.

Loma 9:26

Ma i te koga tonu lava na lea vē ai te Atua ki a te ki lātou, ‘E hē ni tino koutou e ōku,’ i kinā ka takua ki lātou ni fānau e a te Atua e ola.”

1 Kolinito 10:21

E hē mafai koutou ke inu ki te ipu a te Aliki ma inu foki ki te ipu a tēmoni; e hē mafai koutou ke kakai i te laulau a te Aliki ma kakai foki i te laulau a tēmoni.

1 Kolinito 6:19

E hē koutou iloa ko outou tino ko te mālumalu ia o te Agaga Paia, e nofo i loto ia te koutou, ma na fōki atu e te Atua ki a te koutou? Ko koutou e hē a koutou kae e a te Atua;

Efeho 2:20

Ko koutou foki, kua fau ake e vē he fale ki luga o te fakavae na tuku ki lalo e te kau apohitolo ma te kau pelofeta, ma ko Iehu Keliho ko te fatu tulimanu.

Efeho 2:22

I te māfutaga ma Keliho, ko koutou foki la kua fau ake fakatahi ma iētahi tino uma ke kavea ma mea e nofo ai te Atua e ala i tona Agaga.

Efeho 3:17

ma ko au e tatalo ko Keliho ke mau i nā loto o koutou e ala i te koutou fakatuatua. Ko au e tatalo ke mautū lelei te koutou fakavae i luga o te alofa,

1 Timoteo 3:15

nā ia au e tuai atu. Ko te tuhi tēnei e fakailoa atu ai ki a te koe, nā mea e tatau ke havavali ai ki tātou i loto o te kāiga o te Atua, ko te Ekalehia tēnā a te Atua e ola pea lava, ma ko te poutū ma te lagolago o te meamoni.

2 Timoteo 1:14

Puipui lelei ki nā mea kua tuku atu ki a te koe e ala i te mana o te Agaga Paia e mau i loto o ki tātou.

Epelu 3:6

Ko Keliho te Ataliki o te Atua, e fakamāoni i tona tūlaga ko te takitaki o te fale o te Atua. Ko ki tātou ko te fale o te Atua kāfai e tūmau pea to tātou loto mākeke ma te talitonu, ki te mea e fakamoemoe ki tātou ki ei.

Epelu 8:10

Kae i te taimi nei, ko tēnei te feagaiga ka kō faia ma tagata o Ihalaelu i nā aho koi hau, kua vāgana ai te Aliki: ka tuku e au aku tūlāfono ki o lātou māfaufau ma tūhia ki o lātou fatu. Ka fai au ma o lātou Atua, ma ka kavea ki lātou ma oku tagata.

Iakopo 4:5

Koutou nahe vēakē e hē moni te tuhituhiga paia e lea vē mai, “Ko te agaga na tuku mai e te Atua ki a te ki tātou, e tumu i nā manakoga mālolohi.”

1 Petelu 2:5

Ōmamai ko koutou foki ni fatu e ola pea lava, ke fakaaogā koutou i te fauga o te mālumalu fakateagaga, te mea ka tautua ai koutou e vē ni ohitāulaga paia, ke ofo atu nā tāulaga e fiafia ki ei te Atua e ala ia Iehu Keliho.

1 Ioane 4:12

E hēai he tino na kua ia kitea te Atua, kae kāfai ki tātou e alofa tētahi ki tētahi, ko te Atua e ola i te māfutaga ma ki tātou, ma ko tona alofa kua kātoatoa te lelei i loto o ki tātou.

1 Ioane 4:15

Ko ai lava he tino e ia takutinoagia ko Iehu ko te Ataliki o te Atua, ko te tino tēnā e ola i te māfutaga ma te Atua, ma ko te Atua e ola i te māfutaga ma ia.

Fakaaliga 2:1

“Tuhi vēnei ki te agelu o te Ekalehia i Efeho: “Ko tēnei te fekau mai tē e ia tāofia nā fetu e fitu i tona lima taumatau, ma e havali i te mea e i ei ai nā tugāmōlī aulo e fitu.

Fakaaliga 21:3

Na lagona atu e au he leo e tautala leo lahi mai te nofoāliki e lea vē: “Kikila, ko te fale o te Atua kua i te mea e i ei ona tagata! Ka nofo fakatahi ia ma ki lātou, ma ka kavea ki lātou ma ona tagata. Ko te Atua ka i ei ma ki lātou, ma ka fai ia ma Atua o ki lātou.

Fakaaliga 21:7

Ko nā tino e maua e ki lātou te manumālō, ka maua e ki lātou te mea tēnei mai ia te au, ma ka fai au ma o lātou Atua, ma fai ki lātou ma aku fānau.