2 Kolinito 6:13 - Tokelauan New Testament

¹³ Ko au e tautala atu e vē lava koutou ni fānau moni e āku; tatala lahi ko outou loto, ma alolofa mai foki ki a te ki mātou e vē oi alolofa atu ki mātou ki a te koutou.

2 Kolinito 6:13 ပူးပေါင်းရင်းမြစ်များ

Maleko 11:24

Ko te mea ia e lea atu ai au ki a te koutou: Kāfai koutou e tatalo ma gogō atu ki he mea, talitonu kua maua e koutou, oi ka fōki atu ai ki a te koutou ho he mea lava e gogō atu koutou ki ei.

Kalatia 4:12

Te kau uho, ko au e aioi atu ki a te koutou, ko koutou ke vē ko au, auā ko au foki kua kavea e vē lava ko koutou. E hēai he koutou hehē ki a te au.

Kalatia 4:19

Taku fānau pele! E vē o na lagona nā tīgā e he mātua kāfai ka fānau, e vēnā foki oi lagona e au nā tīgā, ke pa lava ki te taimi e kavea ai koutou ke vē ko Keliho.

1 Tehalonia 2:11

E iloa e koutou ko nā faiga a ki mātou nae fai ki a te koutou e vē lava ko nā faiga a he tamana e fai ki tana lava fānau.

1 Ioane 2:1

Ko au kua tuhi atu ki a te koutou taku fānau, kae ke nahe faia ai e koutou te agahala; kae kāfai he tino e agahala, e i ei te tino e fautua ki te Tamana mo ki tātou — ko Iehu Keliho, tē e āmiotonu.

1 Ioane 3:18

Taku fānau, ki tātou nahe alolofa i ni kupu ma ni tala, kae ia tātou gāluega e fai ma te alofa moni.

1 Ioane 3:7

Taku fānau, ia koutou lele nā fakahehēa e he tino! Ko ai lava e fai e ia te mea e tonu, ko ia tēnā e āmiotonu, e vē lava ko Keliho e āmiotonu.

3 Ioane 1:4

E hēai he mea e hili atu ona fiafia ai au i lo toku fakalogo atu ko taku fānau e ola i te meamoni.