2 Kolinito 6:10 - Tokelauan New Testament

¹⁰ e ui e fakanoanoa, kae ko ki mātou e fiafia i taimi uma; e ui e vē ki mātou e mātitiva, kae kua maukoloa te tokalahi o tagata ona ko ki mātou; e ui e vē ki mātou e hēai ni mea, kae ko nā mea uma lele e a ki mātou.

2 Kolinito 6:10 ပူးပေါင်းရင်းမြစ်များ

Mataio 5:12

Koutou ke olioli ma fiafia, auā e i te lagi te koutou taui lahi. Nae vēnā foki lava nā fakahāuāga nae fai e tagata ki nā pelofeta i nā aho kua teka.

Mataio 5:4

Amutia nā tino e fakanoanoa; auā ka fakamāfanafanagia ki lātou e te Atua!

Luka 6:21

Amutia koutou iēnā e fia kakaia nei; auā ka fakamaliegia kātoatoa koutou! Amutia koutou iēnā e faitatagi nei; auā koutou ka faikakata!

Ioane 16:22

E vēnā foki la koutou; i te taimi nei ko koutou e fakanoanoa, kae ka toe kitea au e koutou, ma ka fakatumulia ai outou loto i te fiafia, te itūkāigā fiafia e hē mafai e he tino oi kave kehe mai ia te koutou.

Gāluega 16:25

I te taimi pe ko te vaeluapō, ko Paulo ma Hila e uhu a lā pehe halamo e viviki ai ki te Atua, ka ko iētahi pagotā e fakalogologo ki ei.

Gāluega 3:6

Kae kua lea vē atu ia Petelu ki ei, “E hēai haku tupe e fokotahi, kae ka kō fōki atua te mea e ia te au; i te igoa o Iehu Keliho o Nahaleta, e lea atu ai au ki a te koe, tū ki luga oi havali!”

Gāluega 5:41

I te olo kehega o te kau apohitolo mai te fono, na fiafia lele ki lātou ona ko te fakatāuagia o ki lātou e te Atua ke fakamātagāgia, i te igoa o Iehu.

Loma 11:12

Ko te agahala a tagata Iutaia kua maua ai te lahi o fakamanuiaga e te lalolagi, ma ko to lātou mātitiva i te fakateagaga, kua maua ai te lahi o fakamanuiaga e tagata nukukehe. E vēhea ake nei la te lahi atu lele o nā fakamanuiaga e maua kāfai e tau kātoa i loto te nūmela o tagata Iutaia uma!

Loma 12:15

Fiafia fakatahi ma ki lātou e fiafia, faitatagi fakatahi ma ki lātou e faitatagi.

Loma 15:13

Ke fakatumulia koutou e te Atua, te puna o te fakamoemoe, i te fiafia ma te fīlēmū e ala i te koutou fakatuatua, kae ke tupu ai pea te koutou fakamoemoe, i te mana o te Agaga Paia.

Loma 8:32

E hēki tāofia e te Atua tona lava Ataliki, kae na tukulima mai e ia mo ki tātou uma — ka hē ia tukulima maia nei foki la mo ki tātou nā mea uma?

Loma 9:2

kāfai au e lea atu ki te lahi o toku fakanoanoa ma te tīgā o toku loto e hē uma

1 Kolinito 1:5

Auā ko te māfutaga a koutou ma Keliho kua maua ai e koutou te tamaokāiga i ho he mea, e aofia ai nā kupu e tautatala ai koutou ma te mālamalama lautele.

2 Kolinito 2:4

Na tuhi atu au ma toku loto popole ma te fakanoanoa lahi, vēnā ma te lahi o te loimata maligi; e hē ke fakatupu ai houtou hē fiafia, kae ke koutou iloa ai te lahi o toku alofa ki a te koutou.

2 Kolinito 4:15

Ko nā mea uma iēnei kua fai mo koutou; ma ko te tokalahi o tagata e ki lātou iloa te alofa tūnoa o te Atua, ko te lahi foki ia o tatalo o te fakafetai ma vīkiga ki te Atua.

2 Kolinito 4:7

Ka ko ki mātou iēnei kua i ei te koloa fakateagaga, e vē ki mātou ko nā hiā ele fakatauva, ke iloa ai ko te mālohi hilihilikehe, e mai te Atua kae hē mai ia te ki mātou.

2 Kolinito 8:9

Auā kua koutou iloa te alofa tūnoa o to tātou Aliki ko Iehu Keliho; e ui lava nae tamaokāiga, kae na mativa ona ko koutou, kae ke tamaokāiga ai koutou, e ala i tona mativa.

Efeho 3:16

Ko au e tatalo ki te Atua ke fōki atu ki a te koutou mai te lahi o tona alofa tūnoa, te mālohi e ala i tona Agaga, ke mākekeke ai outou loto;

Efeho 3:8

E ui lava ko au ko te tino ia e pito hili ona fakatauva i lo tagata uma o te Atua, kae na tuku mai te alofa tūnoa e te Atua ki a te au, ke kō tālakia ki tagata nukukehe e uiga ki nā fakamanuiaga e lahi ma hē mafai oi fuafuagia, e maua ia Keliho

Filipi 2:17

E tuha lava pe kāfai ka fakamaligi toku toto e vē he tāulaga e ofo atu ki te Atua i luga o te fata faitāulaga e tuha ai ma te talitonuga o koutou, ko au e fiafia ma olioli fakatahi ma koutou uma.

Filipi 4:4

Koutou ke fiafia pea lava i te māfutaga a koutou fakatahi ma te Aliki. Ko au e toe lea atu; koutou ke fiafia!

Kolohe 1:24

I te taimi nei, ko au e fiafia ke puapuagā au mo koutou, auā ko oku puapuagā i te tino e fehoahoani ai au ke fakakātoatoa nā puapuagā o Keliho koi totoe, mo tona tino, te Ekalehia.

Kolohe 3:16

Ko te fekau a Keliho e tatau ke mau i loto ia te koutou, ma fakaaogā te poto ke akoako ma akoaki ai tētahi e tētahi. Lagi nā halamo, nā pehe e uiga ki te ola fakateagaga; pepehe atu ki te Atua ma outou loto fakafetai.

1 Tehalonia 1:6

Ko koutou na mulimuli ki nā fakatakitakiga a ki mātou ma te Aliki; ma e ui na puapuagā lahi ai koutou, kae na talia e koutou te fekau i te fiafia e maua mai i te Agaga Paia.

1 Tehalonia 5:16

Koutou ke loto fiafia i taimi uma,

1 Timoteo 4:8

Ko te koleni fakamālohi tino e moni e aogā, kae ko te koleni fakateagaga e tāua atu ia i nā itū uma lele, auā e mautinoa ai te maua o te ola nei, ma i te lumanaki.

1 Timoteo 6:18

Fakatonu ke fai e ki lātou nā mea e lelei, ke maukoloa ki lātou ia lātou gāluega lelei e fai, ma ke lima fōaki ma fehoahoani ki iētahi tino.

Epelu 10:34

Nae puapuagā fakatahi koutou ma nā tino nae falepuipui, ma i te kave fakamālohiga o autou meatōtino, na talia ma te fiafia e koutou, auā na iloa e koutou koi i ei lava ia te koutou nā mea e hili atu te tāua, ni mea e tūmau pea lava ke pa ki te fakavavau.

Iakopo 2:5

Fakalogo mai koutou te kau uho pele! Na filifilia e te Atua nā tino mātitiva o tēnei lalolagi ke mau koloa i te fakatuatua, ma ke fai mo ki lātou te Mālō o te Atua, tēia kua folafola e ia mo ki lātou e alolofa ki a te ia.

1 Petelu 4:13

Kae fiafia ona ko te avanoa ke puapuagā ai foki koutou e vē oi puapuagā ia Keliho, kae ke fakatumulia ai koutou i te fiafia kāfai tona mamalu e fakaalia.

Fakaaliga 2:9

E iloa e au nā fakafītāuli o koutou; e iloa e au ko koutou e mātitiva — kae ko te meamoni lava, ko koutou e maukoloa! E iloa e au nā kupu kino nae fai ki a te koutou e nā tino e lea ko ki lātou ni Iutaia, kae e hē ni Iutaia; ni tino e o Hātani!

Fakaaliga 21:7

Ko nā tino e maua e ki lātou te manumālō, ka maua e ki lātou te mea tēnei mai ia te au, ma ka fai au ma o lātou Atua, ma fai ki lātou ma aku fānau.