2 Kolinito 5:9 - Tokelauan New Testament

⁹ Kae e tuha lava pe ko ki mātou e i ei fakatahi ma te Aliki, pe nonofo kehe ma ia, e fakahilihili lava to mātou naunau, ke fai e ki mātou te mea e fiafia ia ki ei.

2 Kolinito 5:9 ပူးပေါင်းရင်းမြစ်များ

Ioane 6:27

Koutou nahe gālulue mo nā meakai e pala; kae gālulue mo nā meakai e tūmau pea lava te lelei, ma e maua ai te ola e fakavavau. Ko nā meakai iēnei ka fōki atu ki a te koutou e te Ataliki o te Tagata, auā kua ia te ia te fakatagaga mai te Atua te Tamana.”

Gāluega 10:35

Ko nā tino e tāpuaki ki te Atua ma ki lātou faia te mea tonu, e talia ki lātou e ia, e tuha lava pe ko fea te mālō e ōmamai ai.

Loma 14:18

Ma kāfai koe e tautua ki a Keliho i te auala tēnei, ka fiafia ai te Atua ma fakaaloalo atu ia tagata ki a te koe.

Loma 14:8

Kāfai ki tātou e ola, ko ki tātou e ola mo te Aliki, ma kāfai ki tātou oti, ko ki tātou e oti mo te Aliki. Ko te mea ia, pe ko ki tātou e ola pe oti, ko ki tātou e a te Aliki.

Loma 15:20

Ko te mea e naunau au ki ei, ke tālaki atu te Tala Lelei ki nā koga ko hēki lagona ai te igoa o Keliho, kae ke nahe ati ake ai e au ki luga o he fakavae na kāmata e hētahi tino.

1 Kolinito 15:58

Ko te mea la ia, te kau uho pele, ke mau autou tutū ma ke nahe māluelue. Gālulue pea i autou gāluega mo te Aliki, auā tēnā kua koutou iloa e hēai he mea e koutou faia e tautua ai ki te gāluega a te Aliki, e hēai hona aogā.

2 Kolinito 5:6

Ko ki mātou la e loto tetele i taimi uma. E iloa e ki mātou, kāfai ki mātou e i te fale i te tino fakatetagata, ko ki mātou e hē i te fale o te Aliki.

2 Kolinito 5:8

Ko ki mātou e loto tetele, ma e hili atu to mātou naunau ke tukua o mātou tino fakatetagata, kae fakatahi ma te Aliki i tona fale.

Efeho 1:6

Tātou viviki atu ki te Atua ona ko tona alofa tūnoa ma te meaalofa fōki fua mai e ia mo ki tātou — ko tona Ataliki fakapelepele.

Kolohe 1:10

Oi ka mafai ai loa e koutou oi ola e tuha ma te finagalo o te Aliki, ma koutou faia ai pea nā mea e fiafia ai ia. Ka fua mai autou gāluega lelei ma ka fakatupu ātili te koutou mālamalama e uiga ki te Atua.

Kolohe 1:29

Ko tēia e galue mālohi ma tauivi ai nei au, ma fakaaogā e au te mālohi mai ia Keliho, tēia e galue i loto ia te au.

1 Tehalonia 4:1

Ko nā toe kupu la te kau uho, kua uma te iloa e koutou mai ia te ki mātou, te ōlaga e tatau ke ola ai koutou, kae ke fiafia ai te Atua. Ko te ōlaga tonu lava tēnā kua ola ai koutou. Ma i te taimi nei, ko ki mātou e fakatagi ma ole atu i te igoa o te Aliki ko Iehu, ke fakaatili oi hili atu iētahi mea e koutou faia.

1 Tehalonia 4:11

Fai ma autou hini, te ola i he ōlaga e fīlēmū ma hē piha, ke nahe tautala tauanoa ki mea a iētahi tino, e vē lava oi lea atu ai ki mātou muamua.

1 Timoteo 4:10

Ko ki tātou e fītatā auā ko ki tātou kua fakamoemoe tahi ki te Atua e ola pea, te Fakaola o tagata uma, kae maihe ki lātou kua talitonu.

Epelu 12:28

Ko ki tātou la e tatau ke fakafetai, auā e maua e ki tātou he mālō e hē mafai ke lūlūgia. Tātou fakafetai ma tāpuaki ki te Atua i he auala e fiafia ai ia, ma e mamalu lahi ma i ei te mataku;

Epelu 4:11

Tātou taumafai la ma te fakamākeke ke maua e ki tātou te malōlōga tēnā, kae ke nahe i ei he tino e pakū e vē ko te mea na pa ki lātou ki ei, ona ko to lātou hē fakatuatua.

2 Petelu 3:14

Ko te mea ia te kau uho pele, ka koi fakatalitali koutou ki te Aho tēnā, taumafai mālohi ke mamā ma hēai he mea e kino ai koutou i te kikila a te Atua, ma ke i ei koutou i te fīlēmū ma ia.