2 Kolinito 5:20 - Tokelauan New Testament

²⁰ Ko ki mātou la na uga mai ke tautatala mo Keliho, ma ko te Atua e fakatagi atu ko koutou ke fakalogo ki ta mātou fekau. Ko ki mātou e tautatala i te igoa o Keliho ma aioi atu i te agaga moni, ke fakalelei ko te koutou va ma te Atua.

2 Kolinito 5:20 ပူးပေါင်းရင်းမြစ်များ

Luka 10:16

Kua vāgana atu ia Iehu ki ona hoko, “Ko ai lava e fakalogo atu ki a te koutou, e fakalogo mai foki ki a te au; ko ai lava e teteke ki a te koutou, e teteke mai foki ki a te au; ma ko ai lava e teteke mai ki a te au, e teteke foki ki tē na ia uga maia au.”

Luka 14:23

Oi lea atu ai te matai ki te kaukauna, ‘Fano ki nā auala lalahi, ma nā tamā auala, oi fakamālohia nā tino ke ōmamai, kae ke tumu toku fale.

Ioane 20:21

Kua toe vāgana atu ia Iehu ki a te ki lātou, “Ke ia te koutou te fīlēmū. E vē ona uga mai au e te Tamana ki te lalolagi, e vēnā foki ona uga atu koutou e au ki te lalolagi.”

Loma 5:10

Ko ki tātou nae fili ki te Atua, kae na ia faia ki tātou ma ana uō, e ala i te oti o tona Ataliki. Nei la ko ki tātou ni uō e a te Atua, ka hē hili atu nei la te mautinoa ko ki tātou ka fakahao e ala i te ola o Keliho?

2 Kolinito 12:10

E kō taliagia la oku vāivaiga, nā kupu tau fakakino, nā fakafītāuli, nā fakahāuāga ma nā fakalavelave tutupu, ona ko Keliho. Auā kāfai au e vāivai, oi e mālohi ai au.

2 Kolinito 3:6

ko ia lava te na mafai ai ki mātou ke kavea ma kaukauna ki te feagaiga fou. Ko te feagaiga tēnei e hē ko he tūlāfono tuhituhia, kae ko he feagaiga i te Agaga. Auā ko te tūlāfono tuhituhia e maua ai te oti, kae ko te Agaga e maua ai te ola.

2 Kolinito 5:11

Kua iloa e ki mātou te mea e takua ko te mataku i te Aliki, ma ko te mea ia e fakamālohi atu ai ki mātou ki iētahi tino. Kua iloa lelei e te Atua ki mātou, ma e fakamoemoe ka vēnā foki oi iloa au e koutou i outou loto.

2 Kolinito 6:1

I ta mātou gālulue fakatahi la ma te Atua, e aioi atu ai ki mātou ki a te koutou iēnā kua taliagia te alofa tūnoa o te Atua, ke nahe koutou fakamāumauagia.

Efeho 6:20

Ko au na uga mai ke fakatino te gāluega tēnei, ma ko te māfuaaga ia kua falepuipui ai au. Tatalo ke maua e au te lototele kāfai au e tautala e uiga ki te Tala Lelei.

Kolohe 1:20

Ko te mea ia na fuafua ai e te Atua, ke fai te Ataliki ma auala ke toe fakafoki atu ai te lagi ma te lalolagi ki a te ia. Na fai te fakaleleiga e te Atua, e ala i te mate o tona Ataliki i luga o te hātaulo, ke toe fakafoki atu ai ki a te ia nā mea uma lele, i te lagi ma e lalolagi.

1 Tehalonia 4:8

Ko te mea ia, ko ai lava e teteke ki te akoakoga tēnei, e hē ko te tagata te kua ia tetekea, kae ko te Atua tē e ia fōki atua ki a te koutou, tona Agaga Paia.