2 Kolinito 5:16 - Tokelauan New Testament

¹⁶ Ko te mea ia, e kāmata atu nei, e hē toe ki tātou fakamahinoa he tino, i te kikilaga fakatetagata. E ui lava na i ei te taimi na ki tātou fakamahinoa ai ia Keliho i te kikilaga fakatetagata, kae kua hē toe fai vēnā e ki tātou nei.

2 Kolinito 5:16 ပူးပေါင်းရင်းမြစ်များ

Mataio 10:37

“Ko ai lava te hili tona alofa ki tona tamana pe ko tona mātua i lo au, e hē aogā ia ke kavea ma oku hoko; ko ai lava te hili tona alofa ki tona ataliki pe ko tona afafine i lo au, e hē aogā ia ke kavea ma oku hoko.

Ioane 15:14

Ma ko koutou ni uō e āku, kāfai koutou e uhitaki ki nā mea e kō fakatonua ai koutou.

Ioane 2:4

Kua tali mai ia Iehu, “Te mātua, nahe kē lea mai ko kinā mea e tatau ke kō faia! Ko toku taimi ko hēki pa mai.”

Ioane 6:63

Ko te Agaga o te Atua te maua ai te ola; ko te mālohi o te tagata e matuā hēai lava he aogā. Ko nā kupu kua tautala atu ai au ki a te koutou, e maua ai e koutou te ola mai te Agaga o te Atua.

Ioane 8:15

Ko te faiga o tautou fakamahinoga, e fai lava i nā faiga fakatetagata; ko au, e hē kō fakamahinoagia he tino.

2 Kolinito 11:18

Kae ona e tokalahi lele ia tagata e fāfifia i nā mea fakatetagata, ko au foki la ka fāfia.

Kalatia 5:6

Auā kāfai ki tātou e i te hokotaga ma Keliho Iehu, e hēai lele he mea e kehe ai pe kua pelitome pe hēai. Oioti lava te mea e tāua ko te koutou fakatuatua e mafai ai koutou ke alolofa ki iētahi tagata.

Filipi 3:4

E mafai foki ke tuku toku fakamoemoe ki nā itūkāigā mea vēnei. Kāfai he tino e manatu e mafai ia ke fakamoemoe ki faiga vēnei a tagata, e tatau ke hilimua atu te ia te au o ni manatu vēnei.

Kolohe 3:11

Ma ko te mea ia, kua hē toe i ei ai he kehekehega o nā tino Iutaia ma nā tino nukukehe, nā tino kua pelitome ma ki lātou e hēki pelitomea, nā tino hē taupulea, nā tino fakapaupau, nā pologa, ma nā tino haoloto, kae ko Keliho ko te kātoaga ia o nā mea uma, ko ia e i nā mea uma.

Iakopo 3:17

Kae ko te poto mai te lagi e mamā, ma e fakatupuagia te fīlēmū, te agamalū ma te loto fiafia; e tumu i te tīgā alofa ma e fua mai ai nā fua o nā gāluega lelei e lahi; e hē i ei he loto kino ma hē fakagutugutulua.