2 Kolinito 5:12 - Tokelauan New Testament

¹² Ko ki mātou e hē taumafai ke toe fakavikiviki lava ki mātou e ki mātou ki a te koutou; kae ko ki mātou e taumafai ke fai he mea ke fāfifia ai koutou ona ko ki mātou, kae ke mafai ai e koutou oi tali atu ki nā tino e fāfifia ona ko te tūlaga kua i ei he tino, kae hē ona ko nā mea i tona loto.

2 Kolinito 5:12 ပူးပေါင်းရင်းမြစ်များ

2 Kolinito 10:12

E hē vē ko ki mātou e taumafai ke fakatuhatuha ki mātou ki nā tino e manatu ko ki lātou lava e hili te lelei. Kai te vālelea ātili o iēnei tino! E fai e ki lātou lava te fua fakatatau ke fua ai te tūlaga e i ei ai ki lātou tau tokatahi, ma e fakamahino lava e tētahi tētahi e ala i te lātou lava fua fakatatau!

2 Kolinito 10:18

Auā, ko ki tātou e talia oioti e te Aliki pe kāfai ki tātou e lelei i tana kikila, kae hē ona ko ho tātou manatu ko ki tātou e lelei.

2 Kolinito 10:7

Ko koutou e kikila ki te tino mai o nā mea i te kikila atu ki ei i fafo. E i ei nei ni tino i kinā e ki lātou mautinoa ko ki lātou e ia Keliho? E tatau ke toe māfaufau lelei ki lātou e uiga ki a te ki lātou, auā ko ki mātou e a Keliho, e vē foki lava ko ki lātou.

2 Kolinito 10:8

Auā ko au e hē ma, e tuha lava pe kua hona fāfia ātili au ona ko te pule kua tuku mai e te Aliki ki a te ki mātou — te pule ke fatufatu ake ai ki luga te koutou fakatuatua, kae hē ke fakaumatia ai koutou.

2 Kolinito 12:11

Ko au e vē he vale i aku mea e fai — kae ko koutou te kua māfua ai oi vēnei au, ona na tatau lava ke fakailoa e koutou kua koutou talia au. Auā e tuha lava pe ko au he tino e hēai he aogā, e hēai lele he mea e hili atu ai nā tino fakapitoa iēnei e takua e koutou ni “apohitolo,” i lo au.

2 Kolinito 3:1

Ko ki mātou nei e vē ni tino kua toe fakavikiviki lava ki mātou ki a te ki mātou? Pe ko te mea e tatau ke i ei ni o mātou tuhi fakamāonia pe ni tuhi lagolago, e vē ko iētahi tino, ke kavatu ki a te koutou pe kaumai foki ia te koutou?

2 Kolinito 6:4

Kae ko nā mea uma e ki mātou faia, e kitea ai ko ki mātou ni kaukauna e a te Atua. Ko ki mātou e onohai pea lava, e ui lava e maua ki mātou i te lahi o puapuagā, fakafītāuli ma lavelave.

Filipi 1:26

ma kāfai la ka toe āhiāhi atu au ki a te koutou, ka fakaatili lele ai te koutou fiafia i te māfutaga fakatahi ma Keliho Iehu, ona ko te mea na tupu ki a te au.