2 Kolinito 5:1 - Tokelauan New Testament

¹ Auā e iloa e ki mātou kāfai te falekie tēnei e nonofo ai ki mātou — o mātou tino i te lalolagi nei — e fakakino, ka i ei he fale e hāunia e te Atua i te lagi mo ki mātou, he fale e ia faua lava ma e tūmau ke pa ki te fakavavau.

2 Kolinito 5:1 ပူးပေါင်းရင်းမြစ်များ

Maleko 14:58

“Na ki mātou lagona i te leaga vē o te tagata tēnei, ‘Ka talepe e au ki lalo te Mālumalu tēnei na fau i lima o tagata ma toe fakatū ai he Mālumalu e hēki faua i lima o tagata, kāfai e teka nā aho e tolu.’ ”

Gāluega 7:48

“Kae ko te Atua Hilihilikehe, e hē nofo i ni fale e fau i lima o tagata; e vē ko te lea a te pelofeta:

1 Kolinito 3:9

Auā ko ki mātou ni tino e faigāluega fakatahi mo te Atua, ka ko koutou ko te fatoaga a te Atua. Ko koutou foki ko te fale o te Atua.

2 Kolinito 4:7

Ka ko ki mātou iēnei kua i ei te koloa fakateagaga, e vē ki mātou ko nā hiā ele fakatauva, ke iloa ai ko te mālohi hilihilikehe, e mai te Atua kae hē mai ia te ki mātou.

2 Kolinito 5:4

Auā kāfai ki mātou koi nonofo lava i te falekie fakatelalolagi tēnei, ko ki mātou e tagi momoko ma te agaga popole; e hē vē ko ki mātou e fofou ke tīaki o mātou tino fakatelalolagi, kae ko ki mātou e fofou ke tuku ifo ki o mātou luga te fale mai te lagi, kae ke līua ai o mātou tino e fano e oti, ke hē toe oti.

Kolohe 2:11

I te māfutaga fakatahi a koutou ma Keliho, ko koutou na pelitome, e hē i te pelitome fakatetagata, kae i te pelitome na fai e Keliho, tēia e aofia ai te fakahaolotoga o ki tātou mai te pule a o tātou lava tino agahala.

2 Timoteo 1:12

ma ko te mea ia kua maua ai au i nā puapuagā. Kae ko au e hē mā, auā e iloa e au te tino e talitonu au ki ei, ma e mautinoa e au e puipui malu e ia ke pa ki te aho fakamahino, nā mea na ia tuku maia ki a te au,

Epelu 11:10

Auā ko Apelaamo nae fakatalitali mo te kakai na fuafua ma fau e te Atua, te kakai e tūmau pea lava ona fakavae.

Epelu 9:11

Kae ko Keliho kua haele mai, ko ia ko te Ulu Ohitāulaga o nā mea lelei uma lele kua i kinei. Ko te falekie e galue ai e hili atu te tāua ma e lelei kātoatoa; e hē ko he falekie na fau i ni lima o ni tino, ma e hē o te lalolagi tēnei.

Epelu 9:24

Auā ko Keliho e hēki fano ki loto o he Nofoaga Paia na fai i lima o tagata, te ata fakatuha o te mea moni i te lagi. Na fano lava ki te lagi ke fai ma fautua mo ki tātou i mua o te Atua.

1 Petelu 1:4

ma ko ki tātou la e amanaki ki to tātou tofi e tāofi e te Atua i te lagi, te mea e hē mafai ai ke pala, pe fakakino, pe matafi kehe.

2 Petelu 3:11

Ona ko nā mea uma iēnei ka fakaumatia i te auala tēnei, he ā nei la te itūkāigā tagata e tatau ke i ei koutou? Ko nā ola o koutou e tatau ke fakapaiagia ma ofo atu kātoa mo te Atua,

1 Ioane 3:14

E iloa e ki tātou ko ki tātou kua olo kehe mai i te tūlaga nae vē ai ki tātou kua oti, ki te ola, auā ko ki tātou e alolofa ki o tātou uho Kelihiano. Ko ai lava la he tino e hē alofa, koi lalo lava ia o te pule a te oti.

1 Ioane 3:19

Ko nā mea la iēnā ka iloa ai ko ki tātou e i te meamoni, ma e lagona e o tātou loto te toka mālie i mua o te Atua.

1 Ioane 3:2

Te kau uho pele, ko ki tātou ni fānau e a te Atua i te taimi nei, kae ko hēki manino pe vēhea te tūlaga ka pa ki tātou ki ei. Kae e ki tātou iloa, kāfai ia Keliho e haele mai, ko ki tātou ka vē lava ko ia; auā ka ki tātou kiteagia ia i te tūlaga tonu lava e i ei ai ia.