2 Kolinito 4:9 - Tokelauan New Testament

⁹ E maua ho ki mātou i fakahāuāga, kae e hē tuku tiakia lele ki mātou e te Atua. E kini ho ki mātou ma pakukū ki lalo, kae e hē oti ai ki mātou.

2 Kolinito 4:9 ပူးပေါင်းရင်းမြစ်များ

Ioane 15:20

Manatua te mea na lea atu ai au ki a te koutou: ‘E hē hili atu nā pologa i lo to lātou matai.’ Kāfai au na hāuāgia e tagata, ka vēnā foki ona hāuāgia koutou; kāfai na uhitaki mai ki lātou ki aku akoakoga, ka vēnā foki ona uhitaki atu ki lātou ki autou akoakoga.

Loma 8:35

Ko ai la te ka ia vavae kehea ki tātou mai te alofa o Keliho? E mafai nei e nā fakafītāuli, pe ko nā puapuagā, pe ko nā fakahāuāga, pe ko te fiakaia, pe ko te mativa, pe ko te lamatia o te ola, pe ko te oti?

2 Kolinito 7:6

Kae ko te Atua, tē e maua ai te fakamālohiaga e ki lātou kua tau hēai he fakamoemoe, na fakamālohi mai ki a te ki mātou, i te hauga o Tito.

2 Timoteo 3:12

Ho he tino e fofou ke ola i he ōlaga āmiotonu i te māfutaga ma Keliho Iehu, ka maua i nā fakahāuāga;

Epelu 13:5

Koutou nahe mānumanu ki te tupe, kae talia ma te fiafia nā mea kua maua e koutou. Auā kua vāgana te Atua, “E hē kō tukua lele koutou; ka hē kō tiakia lele koutou.”