2 Kolinito 4:3 - Tokelauan New Testament

³ Auā kāfai te tala lelei e ki mātou tālakia e mumuni, e mumuni oioti mai nā tino e tuku e fakaumatia.

2 Kolinito 4:3 ပူးပေါင်းရင်းမြစ်များ

Mataio 11:25

I te taimi tēnā, na lea vē ake ai ia Iehu, “Te Tamana, te Aliki o te lagi ma te lalolagi! Ko au e fakafetai atu ki a te koe auā kua kē fakailoa ki a te ki lātou e hēki akoakoagia, nā mea kua kē mumunia mai ia te ki lātou e popoto ma kua akoakogia.

Loma 2:16

Ma ko te mea ia, e tuha ai ma te Tala Lelei e kō tālakia, ka vēnā foki lava te mea e pa ki ei i te Aho e fakamahino ai e te Atua e ala ia Iehu Keliho, ia manatunatuga lilo o tagata uma lele.

1 Kolinito 1:18

Auā ko te fekau e uiga ki te mate o Keliho i luga o te hātaulo, e hēai hona uiga ki a te ki lātou e tuku e fakaumatia; kae mo ki tātou e tuku e fakaolagia; ko te mana tēnā o te Atua.

1 Kolinito 2:6

Kae e folafola e au he fekau e uiga ki te poto, ki nā tino kua mautū i te fakateagaga. E hē ko te poto o te lalolagi nei, pe o nā mālohiaga e pūleagia te lalolagi — nā mālohiaga e fano e uma te lātou pule.

2 Kolinito 2:12

E taunuku atu au ki Tolōata ke tālaki te Tala Lelei e uiga ki a Keliho, kua uma te hāunia e te Aliki te avanoa mo tana gāluega i kinā.

2 Kolinito 3:14

Kae ko o lātou māfaufau nae makaka; ma ke pa mai ki te aho nei, kāfai e faitau ki lātou ki te feagaiga tuai, e vē o lātou māfaufau koi pupuni lava i he kie ufimata, auā e fātoā mafai lava ke kave kehe te kie ufimata, pe kāfai te tino e ia talia ia Keliho.

2 Kolinito 4:4

Ko nā tino iēnei e hē talitonu, auā kua fakapoulitia o lātou māfaufau e Hātani, te atua kino o te lalolagi. E ia tāofiofia ki lātou ke nahe ki lātou kiteagia te mālamalama e huhulu ake ki a te ki lātou, te mālamalama e hau mai te Tala Lelei e uiga ki te mamalu o Keliho, tē e vē lava ko te Atua.

1 Tehalonia 1:5

Auā ko te Tala Lelei e hēki ki mātou kavatua ki a te koutou i nā kupu oioti, kae na kavatu foki i te mana o te Agaga Paia, ma te kātoatoa o te mautinoa ki te moni o te fekau. E iloa e koutou te ōlaga nae ola ai ki mātou ka koi māfuta fakatahi ai ki tātou, e mo te lelei o koutou.

1 Timoteo 1:11

e tuha ai ma te tala lelei gali a te Atua tē e viviki ki ei ia tagata, kua tuku mai ke folafola e au.