2 Kolinito 4:17 - Tokelauan New Testament

¹⁷ Ma ko nā tamā fakafītāuli iēnei e fetaiaki ma ki mātou ka maua ai e ki mātou nā vīkiga e fakavavau, e lahi mamao atu i lo nā fakafītāuli.

2 Kolinito 4:17 ပူးပေါင်းရင်းမြစ်များ

Mataio 5:12

Koutou ke olioli ma fiafia, auā e i te lagi te koutou taui lahi. Nae vēnā foki lava nā fakahāuāga nae fai e tagata ki nā pelofeta i nā aho kua teka.

Luka 6:23

Koutou ke olioli i te aho tēnā ma tūtaoho ki luga i te fiafia, auā e i te lagi te koutou taui lahi. Nae fai foki lava e o lātou tupuna nā mea iēnei ki nā pelofeta.

Gāluega 20:23

Oioti lava te mea e kō iloa, kua uma te lapataki mai o te Agaga Paia ki a te au, ko te falepuipui ma puapuagā e fakatalitali mai ki a te au i nā kakai uma e pa au ki ei.

Loma 2:7

Ki a te ki lātou e faia pea lava nā gāluega lelei ma hakilikili ki te vīkiga, te mamalu ma te ola tūmau, ka fōki ki ei e te Atua te ola e fakavavau.

Loma 8:18

I toku manatu, ko nā puapuagā e feagai ma ki tātou i te taimi nei, e hē fakatuhatuhagia lele ki te mamalu ka fakailoa mai e te Atua ki a te ki tātou.

Loma 8:34

Ko ai la te ka ia taku halagia ki lātou? Ko Keliho Iehu? Hēai! Ko Keliho na oti, oi toe fakatū mai ai i te oti, ma e i te itū taumatau o te Atua, e fautua mo ki tātou!

Loma 8:37

Hēai. I nā mea uma iēnei, kua kātoatoa to tātou manumālō e ala i tē kua alofa ki a te ki tātou!

1 Kolinito 2:9

Kae vē oi lea mai te tuhituhiga paia, “Ko te mea e hēai lele he tino na kua ia kitea pe lagona, ma e hēki i ei lele he tino na manatu e ono tutupu, ko te mea ia kua hāunia e te Atua mo ki lātou e alolofa ki a te ia.”

2 Kolinito 3:18

Ko ki tātou uma la te kitea ai te huhulu pupula o te Aliki e ala i o tātou fōliga e hē pupunia i he kie ufimata; ma ko te huhulu pupula lava tēnā e fokotahi e hau mai te Aliki, ko ia ko te Agaga, e ia fakaliuagia ki tātou ke vē lava ko ia, i he huhulu pupula e hilihili te uiga kehe.

Filipi 1:19

auā e iloa e au ko autou tatalo fakatahi ai ma te fehoahoani mai o te Agaga o Iehu Keliho, ka tatala ai au mai oku noanoataga.

2 Tehalonia 1:4

Kua kavea ai la koutou ma mea e fāfifia ai ki mātou i loto o nā Ekalehia a te Atua. Ko ki mātou e fāfifia ona e ui lava e maua koutou i nā fakahāuāga ma puapuagā, kae e tūmau pea lava te koutou onohai ma te koutou fakatuatua.

2 Tehalonia 1:6

E fai lava e te Atua te mea e tonu: ka taui e ia nā puapuagā ki nā tino na puapuagā ai koutou,

2 Timoteo 2:10

Ma ko au e onohai i nā mea uma iēnei mo te lelei o nā tino kua filifilia e te Atua, kae ke mafai ai foki ke ki lātou maua te fakaolataga e ala ia Keliho Iehu ma maua ai nā vīkiga e fakavavau.

Iakopo 1:12

Amutia nā tino e onohai i nā taimi o tofotofoga, auā kāfai e manumālō ki lātou i nā tofotofoga vēnei, ka ki lātou maua te taui, ko te ola tēia kua uma te folafola e te Atua mo nā tino e alolofa ake ki a te ia.

1 Petelu 4:7

Kua pili mai te ikuga o mea uma. E tatau ai la koutou ke pūlea ma mataala, kae ke mafai koutou ke tatalo.

1 Petelu 5:10

Kāfai e uma atu nā taimi e puapuagā ai koutou, ko te Atua o te alofa tūnoa tē e ia kalagagia koutou ke i ei i tona mamalu tūmau i te māfutaga ma Keliho, ka ia toe fakakātoatoagia koutou, ma lagolago ma fakamākeke atu.

1 Ioane 3:2

Te kau uho pele, ko ki tātou ni fānau e a te Atua i te taimi nei, kae ko hēki manino pe vēhea te tūlaga ka pa ki tātou ki ei. Kae e ki tātou iloa, kāfai ia Keliho e haele mai, ko ki tātou ka vē lava ko ia; auā ka ki tātou kiteagia ia i te tūlaga tonu lava e i ei ai ia.

Iuta 1:24

Ke i te Atua, tē e ia puipuia koutou ke nahe pakukū, ma e ia kaumaia koutou ki tona mamalu, e aunoa ma ni hehē ma nā loto kua tumu i te fiafia —