2 Kolinito 4:15 - Tokelauan New Testament

¹⁵ Ko nā mea uma iēnei kua fai mo koutou; ma ko te tokalahi o tagata e ki lātou iloa te alofa tūnoa o te Atua, ko te lahi foki ia o tatalo o te fakafetai ma vīkiga ki te Atua.

2 Kolinito 4:15 ပူးပေါင်းရင်းမြစ်များ

Loma 8:28

E iloa e ki tātou, i mea uma lele, ko te Atua e galue mo te lelei fakatahi ma ki lātou e alolofa ki a te ia, ki lātou kua kalagagia e ia e tuha ma te mea e fofou ia ki ei.

1 Kolinito 9:19

Auā e ui lava ko au he tino e haoloto, e hē he pologa e a he tino; kae kua kō faia au ma pologa ki tagata uma, kae ke kō maua ai ni tino e tokalahi.

2 Kolinito 1:11

E tatau foki koutou ke fehoahoani mai ki a te ki māua e ala i autou tatalo, kae ke tokalahi ia tagata e fakafetai mo ki māua mo nā fakamanuiaga kua maua e ki māua, ona ko nā tatalo iēnei e lahi.

2 Kolinito 8:19

E hē gata i tēnā, kua filifilia foki ia e nā Ekalehia ke faimalaga fakatahi ma ki mātou, i te fakataunukuga o tēnei gāluega tāua, auā he vīkiga mo te Aliki, ma ke kitea ai foki to mātou agaga fia fehoahoani.

Kalatia 1:24

Oi na viviki ake ai ki lātou ki te Atua ona ko au.

Kolohe 1:24

I te taimi nei, ko au e fiafia ke puapuagā au mo koutou, auā ko oku puapuagā i te tino e fehoahoani ai au ke fakakātoatoa nā puapuagā o Keliho koi totoe, mo tona tino, te Ekalehia.

1 Timoteo 1:14

Na fakatumulia au i te alofa tūnoa o to tātou Aliki ma ia fōki maia ki a te au te fakatuatua ma te alofa, e ala i te māfutaga ma Keliho Iehu.

2 Timoteo 2:10

Ma ko au e onohai i nā mea uma iēnei mo te lelei o nā tino kua filifilia e te Atua, kae ke mafai ai foki ke ki lātou maua te fakaolataga e ala ia Keliho Iehu ma maua ai nā vīkiga e fakavavau.

1 Petelu 2:9

Kae ko koutou ko nā tino filifilia o te Atua, ko nā ohitāulaga a te Tupu, ko nā tino o te mālō paia, ko nā tōtino o te Atua na filifilia ke fakailoa ki tagata ia gāluega ofoofogia a te Atua, tē na kalagagia koutou ka koi i te pōuliuli ai koutou, ke ōmamai ki te gali o tona mālamalama.

1 Petelu 4:11

Kāfai ko tau meaalofa ko te poto oi tautala, folafola te fekau a te Atua. Kāfai ko tau meaalofa ko te fehoahoani ki iētahi tino, tautua la ki iētahi tino i te mālohi e fōki atu e te Atua. Kae e tatau nā mea uma iēnei ke fai i he auala e maua ai he vīkiga mo te Atua e ala ia Iehu Keliho, tē e o ia te mamalu ma te mālohi ke pa lava ki te hēgata.