2 Kolinito 4:14 - Tokelauan New Testament

¹⁴ E iloa e ki mātou ko te Atua, tē na ia fakatūa te Aliki ko Iehu ki te ola, ka ia fakatutūa foki ki mātou ma Iehu, ma ia kavea ai ki mātou fakatahi ma koutou, ki te mea e i ei ia.

2 Kolinito 4:14 ပူးပေါင်းရင်းမြစ်များ

Luka 21:36

Mataala la i taimi uma ma tatalo ke maua e koutou te mālohi, ke hōhola kehe ai koutou mai nā mea uma iēnei ka tutupu, ma ke tutū ai koutou i mua o te Ataliki o te Tagata.”

Gāluega 2:24

Kae na toe fakatū e te Atua ia Iehu mai te oti, ma fakahaoloto mai nā tīgā matuitui o te oti, auā e hē mafai e te oti oi tāofi fakapagotā ia Iehu.

Gāluega 2:32

Kua toe fakatū mai i te oti e te Atua te Iehu lava tēnei, oi ko ki mātou uma iēnei ni molimau ki te mea tēnā.

Loma 8:11

Kāfai te Agaga o te Atua tē na ia toe fakatūa ia Iehu mai te oti, e ola i loto ia te koutou, ko tona uiga ko tē na ia toe fakatūa ia Keliho mai te oti ka ia fōkiatua foki te ola ki outou tino e fano e oti, e ala i tona Agaga i loto ia te koutou.

1 Kolinito 6:14

Ko te Atua na ia fakatūa te Aliki mai te oti, ma ka ia fakatutūa foki ki tātou i tona mana.

2 Kolinito 11:2

E lagona e au te fuā ki a te koutou, e vē ona fuā te Atua; auā ko koutou e vē ko he taupou lelei kātoatoa, ka tuku atu e au ke fakaipoipo ki he tamāloa e fokotahi oioti lava, ko Keliho tēnā.

Efeho 5:27

kae ke ia tukulima atu ai te Ekalehia ki a te ia lava, i tona gali kātoatoa — e mamā ma hēai he hehē, e hēai he ila pe he mafenu, pe ko hētahi lava mea e hē kātoatoa te lelei.

Kolohe 1:22

Kae nei, e ala i te mate o tona Ataliki, ko koutou kua fai e te Atua ma ana uō, kae ke ōmamai ai koutou ki a te ia, kua uma te fakapaiagia, mamā ma hēai ni hehē.

Kolohe 1:28

Oi e folafola la e ki mātou te fekau e uiga ki a Keliho, ki tagata uma. E lapataki ma akoako e ki mātou e ala i te poto kua ki mātou mauagia, kae ke mafai ai ke kaumai ki lātou tau tokatahi ki mua o te Atua, kua āmio fakatagata matua i te māfutaga ma Keliho.

1 Tehalonia 4:14

Ko ki mātou e talitonu ko Iehu na oti oi toe tū mai ai, oi ko ki mātou la e talitonu ka toe kave lava e te Atua ma Iehu, nā tino na oti kae talitonu ki a te ia.

Iakopo 5:15

Ko te tatalo tēnei o te fakatuatua ka fakamālōlō ai nā tauale; ka fakafoki e te Aliki to lātou mālohi, ma fakamāgalo e ia a lātou agahala.

Iuta 1:24

Ke i te Atua, tē e ia puipuia koutou ke nahe pakukū, ma e ia kaumaia koutou ki tona mamalu, e aunoa ma ni hehē ma nā loto kua tumu i te fiafia —