2 Kolinito 3:3 - Tokelauan New Testament

³ E manino lava ko Keliho te na ia tuhia te tuhi tēnei, ma na ki mātou kavatua ki a te koutou e ala i ta mātou gāluega. E hēki tuhia i he vaituhi, kae na tūhia i te Agaga o te Atua ola, ma e hēki tuhia ki luga o ni fatupapa māfolafola, kae na tūhia ki nā loto o tagata.

2 Kolinito 3:3 ပူးပေါင်းရင်းမြစ်များ

Mataio 16:16

Kua tali mai ia Himona Petelu, “Ko koe ko te Mehia, te Ataliki o te Atua tē e ola pea lava.”

1 Kolinito 3:5

Kae ko ai nei ia Apolo? Ko ai foki ia Paulo? Ko ki mātou kua nā ni kaukauna na fakaaogā ke auala mai ai te koutou talitonu. Ko ki mātou e gālulue i nā gāluega na tōfia ai ki mātou tau tokatahi e te Aliki:

2 Kolinito 3:6

ko ia lava te na mafai ai ki mātou ke kavea ma kaukauna ki te feagaiga fou. Ko te feagaiga tēnei e hē ko he tūlāfono tuhituhia, kae ko he feagaiga i te Agaga. Auā ko te tūlāfono tuhituhia e maua ai te oti, kae ko te Agaga e maua ai te ola.

2 Kolinito 3:7

Ko te Tūlāfono na tūhia i ni mataituhi na vane ki luga o nā fatupapa māfolafola, ma na kitea te huhulu pupula uiga kehe o te Atua i te taimi na ia tuku atua ai te Tūlāfono. E ui lava ko te huhulu pupula nae i nā fōliga o Mohe na gaholo e mu vaivai, kae ko tona mālohi na hēki mafai ai ia tagata Ihalaelu ke tūmau te kikila a o lātou mata ki a Mohe. Kāfai la te Tūlāfono tēia e maua ai te oti kāfai e fakatino, na kaumai i he tūlaga e uiga kehe te huhulu pupula,

2 Kolinito 6:16

E vēhea ona mafai ke talia nā tupua i loto o te mālumalu o te Atua? Auā ko ki tātou ko te mālumalu ia o te Atua e ola! E vē oi vāgana te Atua, “Ka mau au i loto o oku tagata ma havali fakatahi ma ki lātou; ka fai au ma o lātou Atua, ma ka kavea ki lātou ma oku tagata.”

1 Tehalonia 1:9

E tākua e ki lātou uma te tali leleia o ki mātou e koutou i te oatuga o ki mātou, ma te liliu kehega o koutou mai nā tupua, kae kaukauna ki te Atua moni e ola pea lava,

Epelu 10:16

“Ko tēnei te feagaiga ka kō faia ma ki lātou i nā aho e hau, kua vāgana te Aliki: Ka tuku e au aku tūlāfono ki o lātou loto ma tūhia ki o lātou māfaufau.”

Epelu 8:10

Kae i te taimi nei, ko tēnei te feagaiga ka kō faia ma tagata o Ihalaelu i nā aho koi hau, kua vāgana ai te Aliki: ka tuku e au aku tūlāfono ki o lātou māfaufau ma tūhia ki o lātou fatu. Ka fai au ma o lātou Atua, ma ka kavea ki lātou ma oku tagata.

Epelu 9:14

Ona ko te mea tēnei e moni, ka hē hili lele atu nei la te lahi o nā mea e mafai ke fakataunuku i te toto o Keliho? Na ia ofo atua ia ia lava ma tāulaga ki te Atua e kātoatoa te lelei, e ala i te Agaga o te Atua e tūmau pea lava ke pa ki te fakavavau. Ko tona toto ka fakamamā ai o tātou lotofuatia mai nā faiga e hēai he aogā, kae ke mafai ai ki tātou ke tautua ki te Atua e ola pea lava.

Fakaaliga 2:1

“Tuhi vēnei ki te agelu o te Ekalehia i Efeho: “Ko tēnei te fekau mai tē e ia tāofia nā fetu e fitu i tona lima taumatau, ma e havali i te mea e i ei ai nā tugāmōlī aulo e fitu.

Fakaaliga 2:12

“Tuhi vēnei ki te agelu o te Ekalehia i Pekamoni: “Ko te fekau tēnei mai tē e ia te ia te pelu e taufai kaha uma nā itū.

Fakaaliga 2:18

“Tuhi vēnei ki te agelu o te Ekalehia i Tuateilo: “Ko te fekau tēnei mai te Ataliki o te Atua, ko ona mata e mumū e vē he afi, ko ona vae e gigila e vē he apamemea kua uma te pōlehi.

Fakaaliga 2:8

“Tuhi vēnei ki te agelu o te Ekalehia i Himuna: “Ko te fekau tēnei mai tē e takua ko te muamua ma te mulimuli, na mate kae na toe ola mai.

Fakaaliga 3:1

“Tuhi vēnei ki te agelu o te Ekalehia i Hateihi: “Ko tēnei te fekau mai tē e pule i nā agaga e fitu o te Atua ma nā fetu e fitu. E iloa e au autou gāluega e fai; e iloa e au ko koutou e lauiloa i te mālohi o te koutou fakatuatua, kae ko te meamoni ko koutou e vē ni tino kua feoti i te fakateagaga.

Fakaaliga 3:14

“Tuhi vēnei ki te agelu o te Ekalehia i Laotikeia: “Ko te fekau tēnei mai tē e igoa ko te Amene, te molimau e fakamāoni ma e moni, ko ia ko te kāmataga o nā mea uma na gaohia e te Atua.

Fakaaliga 3:22

“Kāfai e i ei ni o koutou taliga, fakalogo la ki te mea e lea ai te Agaga ki nā Ekalehia!”

Fakaaliga 3:7

“Tuhi vēnei ki te agelu o te Ekalehia i Filatelefeia: “Ko tēnei te fekau mai tē e paia, ma e fakamāoni. E ia te ia te kī a Tavita, ma kāfai e tatala e ia he faitotoka e hēai he tino e ia mafaia oi toe tapuni, ma kāfai e tapuni e ia, e hēai tino e ia mafaia oi toe tatala.