2 Kolinito 3:14 - Tokelauan New Testament

¹⁴ Kae ko o lātou māfaufau nae makaka; ma ke pa mai ki te aho nei, kāfai e faitau ki lātou ki te feagaiga tuai, e vē o lātou māfaufau koi pupuni lava i he kie ufimata, auā e fātoā mafai lava ke kave kehe te kie ufimata, pe kāfai te tino e ia talia ia Keliho.

2 Kolinito 3:14 ပူးပေါင်းရင်းမြစ်များ

Mataio 13:11

Kua tali mai ia Iehu, “Kua uma te fakailoa atu ki a te koutou nā mealilo i te Mālō o te lagi, kae ko hēki fakailoa ki iētahi tino.

Mataio 16:17

Kua lea atu ia Iehu, “Amutia koe Himona te ataliki o Ioane! Auā ko te mea tēnei e hēki iloa e koe mai he tino ola, kae na fakailoa hako atu ki a te koe e toku Tamana i te lagi.

Mataio 6:23

kae kāfai ō mata e kino, ko tō tino kātoa ka i te pōuliuli. Kāfai la ko te mōlī i loto o koe ko te pōuliuli, kai te kino ātili lele o te pōuli ka i ei ai!

Ioane 12:40

“Kua fakatauahogia e te Atua o lātou mata ma tapunia o lātou māfaufau, kae ke hē mafai o lātou mata oi kikila, ma hē mafai o lātou māfaufau oi mālamalama, ma hē liliu mai ai ki lātou ki a te au, kua lea ai te Atua, ke kō fakamālōlōa ki lātou.”

Ioane 12:46

Ko au kua hau ki te lalolagi e vē he mālamalama, kae ke nahe tūmau ai i te pōuli, ki lātou uma e talitonu mai ki a te au.

Ioane 8:12

Kua toe vāgana atu ia Iehu ki te kau Falehaio, “Ko au ko te mōlī mo tagata uma o te lalolagi. Ko te tino e mulimuli mai ki a te au, ka hē havali lele i te pōuli, kae ka maua e ia te mālamalama e takitakia ai ki te ola moni.”

Gāluega 13:15

Kua uma te faitauga mai te Tūlāfono a Mohe ma nā tuhituhiga a te kau pelofeta, oi kave ai te faifekau a nā takitaki o te hūnako ki a te ki lātou e vē, “O mātou uho, kāfai e i ei hautou kupu fakamālohi mo te fakapotopotoga, e mafai ke fai i te taimi nei.”

Gāluega 15:21

Auā ko te Tūlāfono a Mohe kua leva te faitau i loto o nā hūnako i nā Hāpati takitahi, ma ko ana kupu e tālaki atu ki nā kakai uma.”

Gāluega 16:14

Ko tētahi o fafine na ia lagona a mātou tala ko Litia, e hau mai Tuateilo, he tino fakatau koloa i nā kie violē taugatā. Ko he fafine nae tāpuaki ki te Atua, ma na tatala ai e te Aliki tona māfaufau ke mālamalama i te mea nae tautala ai ia Paulo.

Gāluega 26:18

Ka fakapupula e koe o lātou mata ma liliu kehe ki lātou mai te pōuliuli ki te mālamalama, mai te pule a Hātani ki te pule a te Atua, kae ke kavea ai to lātou fakatuatua mai ki a te au ma mea ka fakamāgalo ai a lātou agahala, ma kavea ai ki lātou ma vāega o tagata kua filifilia e te Atua.’

Loma 11:25

Oku uho, e i ei te meamoni lilo e fofou au ke koutou iloa, ona e fehoahoani ke tāofiofi ai koutou mai te manatu ko koutou e popoto. Ko tēnei la; ko te loto makaka o tagata Ihalaelu e hē tūmau, ma e fātoā uma kāfai kua kātoatoa te nūmela o tagata nukukehe e ōmamai ki te Atua.

2 Kolinito 3:15

Io, ke pa mai lava ki nā aho nei, ko taimi uma lava e faitau ai ki lātou ki te Tūlāfono a Mohe, ko o lātou māfaufau e pupuni i te kie ufimata.

2 Kolinito 3:6

ko ia lava te na mafai ai ki mātou ke kavea ma kaukauna ki te feagaiga fou. Ko te feagaiga tēnei e hē ko he tūlāfono tuhituhia, kae ko he feagaiga i te Agaga. Auā ko te tūlāfono tuhituhia e maua ai te oti, kae ko te Agaga e maua ai te ola.

2 Kolinito 4:6

E lea mai nā Tuhituhiga paia, “Na fakatonu e te Atua te mālamalama ke huhulu i loto o te pōuliuli.” Nei kua fakahuhulu e te Atua tona mālamalama i loto o nā loto o ki tātou, ke iloa ai e ki tātou tona huhulu pupula i fōliga o Keliho.

Efeho 4:18

ma e pōuliuli o lātou māfaufau. E hēai ho lātou tofi i te ola e fōki mai e te Atua, auā e matuā hē mālamalama lava ma, e loto makaka.