2 Kolinito 2:9 - Tokelauan New Testament

⁹ Ko te ala ia na tuhi atu ai taku tuhi tēnā. Nae fia kō tofotofoagia koutou pe i na uhitaki mai koutou ki a te au i ho mea e lea atu ai au.

2 Kolinito 2:9 ပူးပေါင်းရင်းမြစ်များ

2 Kolinito 10:6

Ma kāfai kua fakamāonia te kātoatoa o te koutou uhitaki, ka hāuniuni ki mātou ke taku halagia ho he tino e hē fia uhitaki.

2 Kolinito 2:3

Ko te ala ia na tuhi atu ai taku tuhi tēnā ki a te koutou — ko au e hēki fofou ko au ke fanatu ke fakamahiahi e nā tino na tatau ke ki lātou faia nā mea e fakafiafia mai ki a te au. Auā e mautinoa lelei e au, kāfai au e fiafia, ko koutou uma foki e fiafia.

2 Kolinito 2:4

Na tuhi atu au ma toku loto popole ma te fakanoanoa lahi, vēnā ma te lahi o te loimata maligi; e hē ke fakatupu ai houtou hē fiafia, kae ke koutou iloa ai te lahi o toku alofa ki a te koutou.

2 Kolinito 2:8

Ko au la e talohaga atu ki a te koutou; fakailoa ko ki ei ko koutou e alolofa moni ake ki a te ia.

2 Kolinito 8:2

Nae āfāina ki lātou i nā fakafītāuli, kae ko te lahi o to lātou fiafia na fakaatili ai to lātou limafoaki, e ui lava e mātitiva lahi lele.

2 Kolinito 8:24

Alolofa la ki ei, kae ke mautinoa ai ma iloa e nā Ekalehia, e hako lava o mātou fāfifia nae fai ake ki a te ki lātou e uiga ki a te koutou.

Filipi 2:12

Ko te mea ia te kau uho pele, e vē ona uhitaki mai koutou ki a te au i taimi uma nae māfuta fakatahi ai ki tātou, ka hili atu la te tāua ke uhitaki mai koutou ki a te au i te taimi tēnei e hē i kinā ai au ma koutou. Ke tūmau pea te koutou gālulue i te mataku ma te gatete, ke kātoatoa ai te koutou fakaolataga,

Filipi 2:22

Ma kua uma te koutou iloa ma fakamāonia ko Timoteo ko he tino fakamoemoegia, e gālulue fakatahi ki māua e vē lava he ataliki ki a te au, i te tālakiga o te Tala Lelei.

2 Tehalonia 3:14

Ātonu e i ei ni tino i kinā ka hē fia fakalogo ki te fekau kua kavatu e ki mātou i te tuhi tēnei. Kāfai e i ei ni tino vēnā, ke koutou iloa pe ko ai ki lātou, ma nahe koutou toe fakapipiki ki ei kae ke fai tēnā ma mea e lagona ai e ki lātou te mā.

Filemoni 1:21

Ona ko au e talitonu ko nā mea e lea atu ai au e fai e koe, ko te mea kua tuhi atu ai au — ko te meamoni, e iloa e au ka lahi lele atu nā mea e fai e koe i lo nā mea e lea atu ai au.