2 Kolinito 2:5 - Tokelauan New Testament

⁵ Kāfai na fai e he tino he mea ke hē fiafia ai hētahi tino, e hēki ia faia oioti ki a te au — kae i hētahi itū, na ia faia foki ki a te koutou uma. (Ko au kua lea atu vēnei ona ko au e hē fofou ke mamafa ātili ni aku kupu e fai ki te tino tēnei).

2 Kolinito 2:5 ပူးပေါင်းရင်းမြစ်များ

Mataio 15:22

Oi hau ai te fafine Kanana e nofo i te kogāfenua tēnā, e tagi ma kalaga vē atu ki a Iehu, “Te Aliki! Te Ataliki o Tavita, alofa mai ko ki a te au. Ko taku tama teine e ulufia e he tēmoni oi e i he tūlaga kino lahi lele.”

Kalatia 4:12

Te kau uho, ko au e aioi atu ki a te koutou, ko koutou ke vē ko au, auā ko au foki kua kavea e vē lava ko koutou. E hēai he koutou hehē ki a te au.

Kalatia 5:10

Kae e tūmau pea lava toku talitonu ki a te koutou. Ko to tātou ōlaga i te hokotaga ma te Aliki, e mautinoa ai e au ka hē koutou taliagia ni manatu e kehe mai i oku manatu, ma ko ai lava e taumafai ke fakahehē ki a te koutou, ka fakahalagia ia e te Atua.