2 Kolinito 2:14 - Tokelauan New Testament

¹⁴ Kae fakafetai ki te Atua, auā i te māfutaga ma Keliho ko ki mātou e takitakia pea lava e ia e vē ni pagotā, i te holo e fakailoa ai te manumālō o Keliho. Ko ki mātou e fakaaogā e te Atua ke fakahalalaua te tala ki a Keliho ke vē he meamanogi manaia, ki ho he koga.

2 Kolinito 2:14 ပူးပေါင်းရင်းမြစ်များ

Ioane 16:33

Ko au kua lea atu ki a te koutou i te mea tēnei, kae ke maua ai e koutou te fīlēmū, ona ko koutou e tahi ma au. Ka hāuāgia koutou e te lalolagi. Kae loto tetele! Kua fakatōkilalo e au te lalolagi!”

Loma 1:8

Muamua, ko au e fakafetai ki toku Atua mo koutou uma lele e ala ia Iehu Keliho, auā ko te koutou fakatuatua kua iloa e te lalolagi kātoa.

Loma 15:19

i te mana o nā vāvega ma nā mea ofoofogia, ma i te mana o te Agaga o te Atua. Ma kua uma te tālaki e au te Tala Lelei ki a Keliho, e kāmata mai i Ieluhalema ke pa ki Ilulikou.

Loma 6:17

Kae fakafetai ki te Atua, auā e ui lava nae i ei he taimi na fai ai koutou ma pologa a te agahala, ka kua uhitaki koutou ma te loto kātoatoa ki te tūlaga o nā akoakoga na maua e koutou.

Loma 8:37

Hēai. I nā mea uma iēnei, kua kātoatoa to tātou manumālō e ala i tē kua alofa ki a te ki tātou!

1 Kolinito 12:8

E fōki e te Agaga ki tētahi tino te iloa ke tautala ai i te poto, kae ki tētahi tino e fōki ki ei e te Agaga lava e fokotahi te iloa ke tautala ai i te atamai.

1 Kolinito 15:37

Ma ko te mea e totō e koe ko te fatu oioti, pe he fuāhaito pe hētahi lava fua, kae e hē ko te lākau kātoa tēia e ola ake mulimuli ma tupu ki luga.

1 Kolinito 15:57

Kae fakafetai ki te Atua, na ia tuku maia te manumālō e ala i to tātou Aliki ko Iehu Keliho!

2 Kolinito 1:11

E tatau foki koutou ke fehoahoani mai ki a te ki māua e ala i autou tatalo, kae ke tokalahi ia tagata e fakafetai mo ki māua mo nā fakamanuiaga kua maua e ki māua, ona ko nā tatalo iēnei e lahi.

2 Kolinito 8:16

Ko au e fakafetai ki te Atua ona ko ana faiga te kua lagona ai e Tito te agaga naunau e vē foki lava ko ki mātou, ke fehoahoani atu ki a te koutou.

2 Kolinito 9:15

Tātou fakafetai ki te Atua ona ko tana meaalofa tāua lahi.

Efeho 5:2

E tatau nā ōlaga o koutou ke pūlea e te alofa, e vē ko te alofa o Keliho ki a te ki tātou ma na fōki ai tona ola mo ki tātou, ke fai ma tāulaga manogi e fiafia ki ei te Atua.

Efeho 5:20

Ke fakafetai pea lava koutou ki te Atua te Tamana mo nā mea uma lele, i te igoa o to tātou Aliki ko Iehu Keliho.

Filipi 4:18

Kua maua e au te totogi kātoatoa, ma e hili atu foki ki luga — ma kua hēai lele hētahi mea e kō manakomia, talu te hau o Epafolotito ma nā meaalofa mai ia te koutou. Ko autou meaalofa e vē ni tāulaga mea manogi e ofo atu ki te Atua, ma e talia ma fiafia ia ki ei.

Kolohe 1:23

Ko koutou la e tatau ke tūmau i te fakavae o te koutou fakatuatua, ma ke nahe māluelue lele mai te fakamoemoe na maua e koutou i te koutou lagonaga o te Tala Lelei. E mo te Tala Lelei tēnei kua kavea ai ia au tēnei ko Paulo, ma kaukauna — te Tala Lelei tēia kua folafola ki tagata uma o te lalolagi.

Kolohe 1:6

E kaumai pea lava e te Tala Lelei nā fakamanuiaga, ma e halalau ki te lalolagi kātoa, e vē foki lava ko te mea na pa koutou ki ei, talu mai te aho muamua na koutou lagona ai e uiga ki te alofa tūnoa o te Atua, ma iloa lelei ai e koutou tona uiga moni.

Kolohe 2:15

Ma ko luga o te hātaulo te na fakatōkilalo ai e Keliho nā agaga e takua ni tupu vēnā ma nā taupulega; na fakamahiahi e ia ki lātou i mua o tagata e vē ni tino kua puke fakapagotā, e ala i te fakahavavali pito ki mua o te holo e fakailoga ai tona manumālō.

1 Tehalonia 1:8

Auā, e hē gata kua halalau te fekau e uiga ki te Aliki mai ia te koutou ke pa ki Maketonia ma Akaia kātoa, kae kua vēnā foki oi halalau te tala ki te lalolagi kātoa, e uiga ki te koutou fakatuatua ki te Atua. E hēai lele la he mea e tatau ke toe lea atu ai ki mātou ki a te koutou.

1 Tehalonia 3:9

I te taimi nei, kua tatau ke hiki e ki mātou he fakafetai ki te Atua mo koutou. E fakafetai ki mātou ona ko te fiafia kua maua e ki mātou i tona fakatahi mai, ona ko koutou.

1 Timoteo 2:8

Ko au la e fofou ko tamāloloa ke tatalo i autou tāpuakiga uma lele, nā tamāloa kua ofo atu o lātou tagata mo te Atua ma e mafai ke hiki ake o lātou lima ki luga i te tatalo, e aunoa ma he loto ita pe tauaikupu ma iētahi tino.

2 Timoteo 2:2

ma ko nā mea kua fakalogo koe e akoako e au i mua o tagata e tokalahi, ke vēnā foki oi tuku atu e koe ki ni tino fakamoemoegia, ke ki lātou akoako atua ki iētahi tino.

Fakaaliga 7:12

ma lea vē, “Amene! Ke i to tātou Atua te vīkiga, te mamalu, te poto, te fakafetai, te fakaaloalo, te mālohi ma te mana ke pa lava ki te fakavavau, Amene!”