2 Kolinito 2:13 - Tokelauan New Testament

¹³ Kae ko au nae popole lahi ona e hēki kō maua ki kinā, toku uho a kaukauna ko Tito. Oi na fakamāvae ai au ki nā tino nae i kinā, ma fano ai loa ki Maketonia.

2 Kolinito 2:13 ပူးပေါင်းရင်းမြစ်များ

Maleko 6:46

Kua mātuku atu ia tagata, oi fano ai ia Iehu ki luga o he mauga ke tatalo ai.

Gāluega 21:6

Oi fakamāvae ai loa ki mātou ma hohopo ai ki mātou ki luga o te vaka, ka kua toe foki ki lātou ki o lātou kāiga.

Loma 15:26

Auā kua tonu i nā Ekalehia i Maketonia ma Akaia ke kave ha lātou tāulaga ke fehoahoani ki nā tino mātitiva o te Atua i Ieluhalema.

2 Kolinito 12:18

Na tauanau e au ia Tito ke fanatu, ma uga atu ai fakatahi ma tētahi uho o ki mātou. Na fakavalea nei koutou e Tito? Nae hē tutuha nei la o ma loto, ma nā mea nae fai e ki māua?

2 Kolinito 7:13

Ko te mea ia kua kavea ai tēnei mea ma fakamālohiaga ki a te ki mātou. E hē gata i te kua fakamālohi mai ki a te ki mātou, kae kua fakafiafiagia lahi foki ki mātou e Tito, i te kua ki mātou iloa nae fehoahoani koutou uma ki a te ia.

2 Kolinito 7:14

Na fakaali toku fāfia ki a Tito ona ko koutou, ma e hēki koutou faia lele he mea ke hui ai toku lagona tēnei. Ko ki mātou e tautatala lava ki a te koutou i te meamoni, ma e vēnā foki to mātou fāfifia na fai ki a Tito, ko tēia kua hako foki lava.

2 Kolinito 8:16

Ko au e fakafetai ki te Atua ona ko ana faiga te kua lagona ai e Tito te agaga naunau e vē foki lava ko ki mātou, ke fehoahoani atu ki a te koutou.

2 Kolinito 8:23

E vē la ki a Tito, ko he hoa e ōku ma e gālulue fakatahi ki māua ke tautua atu ki a te koutou. Ko iētahi hoa a kaukauna, ni kavefekau e a nā Ekalehia, auā lava he vīkiga mo Keliho.

2 Kolinito 8:6

Ko te mea ia kua fakamālohi ai ki mātou ki a Tito, ona na ia kamatagia te gāluega tēnei, ke fakaauau pea ma ke fehoahoani atu ki a te koutou ke fakauma te gāluega lelei na ia kamatagia.

Kalatia 2:1

Kua teka te hefulu fa tauhaga, oi toe fano ai au ki Ieluhalema, ki māua ma Panapa, ma na kave ai e au ma Tito.

Kalatia 2:3

Ko toku hoa ki a Tito, e ui ko he tino Eleni kae e hēki fakamālohiagia ke pelitome,

2 Timoteo 4:10

Ko Temahi kua fiafia ki nā mea o te lalolagi nei, ma kua ia tiakia au kae fano ki Tehalonika. Ko Keleoke kua fano ki Kalatia, ka ko Tito kua fano ki Talamatia.

Tito 1:4

Ki a Tito, toku ataliki moni e ala i te talitonuga kua talia fakatahi e ki tāua. Ke ia te koe te alofa tūnoa ma te fīlēmū o te Atua te Tamana ma Keliho Iehu to tātou Fakaola.