2 Kolinito 2:10 - Tokelauan New Testament

¹⁰ Kāfai e fakamāgalo e koutou nā tino, e fakamāgalo foki koutou e au. Auā kāfai e kō fakamāgaloa — pe kāfai moni e i ei he mea e tatau ke kō fakamāgaloa ai — e fai e au i te fakatahi mai o Keliho ona ko koutou,

2 Kolinito 2:10 ပူးပေါင်းရင်းမြစ်များ

Mataio 18:18

“E takutino atu e au ki a te koutou uma; ko nā mea e fakahā e koutou i te lalolagi, ka fakahā foki i te lagi, ko nā mea e fakataga e koutou i te lalolagi, ka fakataga foki i te lagi.

Ioane 20:23

Kāfai e fakamāgalo e koutou nā agahala a nā tino, e vēnā lava ona fakamāgalogia; kāfai e hē fakamāgaloa e koutou, e vēnā foki lava ona hē fakamāgalogia.”

1 Kolinito 5:4

e vē lava au e i kinā fakatahi ma koutou. Kāfai koutou e maopoopo, ma i ei ai ma toku agaga fakatahi ma te mana o to tātou Aliki ko Iehu,

2 Kolinito 4:6

E lea mai nā Tuhituhiga paia, “Na fakatonu e te Atua te mālamalama ke huhulu i loto o te pōuliuli.” Nei kua fakahuhulu e te Atua tona mālamalama i loto o nā loto o ki tātou, ke iloa ai e ki tātou tona huhulu pupula i fōliga o Keliho.

2 Kolinito 5:20

Ko ki mātou la na uga mai ke tautatala mo Keliho, ma ko te Atua e fakatagi atu ko koutou ke fakalogo ki ta mātou fekau. Ko ki mātou e tautatala i te igoa o Keliho ma aioi atu i te agaga moni, ke fakalelei ko te koutou va ma te Atua.

2 Kolinito 6:6

Ko to mātou loto mamā, te iloa, te onohai ma te agalelei, kua fakaalia ai ko ki mātou ni kaukauna e a te Atua — e ala i te Agaga Paia, e ala i to mātou alolofa moni,

Efeho 4:32

Kae ke agalelei ma loto lelei tētahi ki tētahi, ma fakamāgalo tētahi e tētahi e vē oi fakamāgalo koutou e te Atua e ala ia Keliho.