2 Kolinito 13:7 - Tokelauan New Testament

⁷ Ko ki mātou e tatalo ki te Atua, ke nahe koutou faia nā mea hehē — e hē ona ke fakaalia ai ko ki mātou kua pāhi i te hukega, kae ke mafai ai ke fai e koutou te mea e tonu, e ui lava e vē ka ono fōliga ai ko ki mātou e hēki pāhi.

2 Kolinito 13:7 ပူးပေါင်းရင်းမြစ်များ

Mataio 6:13

Ma nahe takitakia ki mātou ki nā fakaohoohoga, kae laveaki ki mātou mai te kino.’

Ioane 17:15

Ko au e hē lea atu ke kave kehe ki lātou mai te lalolagi, ka ko au e lea atu, ke puipui malu ki lātou mai ia Hātani.

Loma 1:28

Ona ko nā tino iēnei kua hē fia talia e ki lātou te mālamalama moni e uiga ki te Atua, kua tīaki vē ai ki lātou e te Atua ma o lātou māfaufau pikopiko, kae ke fai ai pea e ki lātou nā mea e hē tatau ke ki lātou faia.

Loma 12:17

Nahe koutou tauia i he hehē he hehē o he tino ki a koutou, kae taumafai ke fai e koutou nā mea e manatu ia tagata uma e lelei.

Loma 13:13

Ke lelei a tātou āmio, e vē ko nā tino e nonofo i te mālama o te ao — e hēai he fai pātī hē taupulea pe konanā, e hēai ni āmio mātagā uiga kehe pe faiamio, e hēai he tauaimiha pe fuā.

Loma 16:10

E fakafeiloaki atu ki a Apelene, ko tona fakamāoni ki a Keliho kua fakamāonia. E fakafeiloaki atu ki a te koutou i te kau kāiga o Alihitopula.

1 Kolinito 11:19

(E hē taumate e i ei ni fekehekeheakiga ia te koutou, kae ke iloa ai pe ko ai o koutou e hako.)

2 Kolinito 10:10

Auā ko iētahi o koutou e lea vē, “Te loloto ma te mālolohi o nā tuhi a Paulo, kae kāfai e i kinei ma ki tātou, te vāivai ma te hēai o he uiga o ana kupu!”

2 Kolinito 10:18

Auā, ko ki tātou e talia oioti e te Aliki pe kāfai ki tātou e lelei i tana kikila, kae hē ona ko ho tātou manatu ko ki tātou e lelei.

2 Kolinito 13:6

E talitonu au ka koutou iloa ko ki mātou e hēki pakukū lele i te hukega.

2 Kolinito 13:8

Auā e hēai he mea e mafai ke fai e ki tātou ke teteke ai te meamoni, kae nā ko te lagolago ki ei.

2 Kolinito 13:9

Ko ki mātou e fiafia kāfai ki mātou e vāivai kae mālolohi koutou. Ma ko ki mātou foki la e tatalo ke hili atu te tūlaga ka i ei ai koutou.

2 Kolinito 6:4

Kae ko nā mea uma e ki mātou faia, e kitea ai ko ki mātou ni kaukauna e a te Atua. Ko ki mātou e onohai pea lava, e ui lava e maua ki mātou i te lahi o puapuagā, fakafītāuli ma lavelave.

2 Kolinito 8:21

Ko te mea e fofou ki mātou ki ei, ke fai te mea e hako, e hē gata i te hilafaga a te Aliki, kae vēnā foki i te kikila a tagata.

Filipi 4:8

Ko aku toe kupu te kau uho, ni a lava ni mea e lelei ma maua ai he vīkiga, ni mea e moni, ni mea e mamalu, ni mea e tonu, ni mea e mamā, ni mea e gali, ni mea e lelei kātoatoa, koutou ke māfaufau pea lava ki ei.

1 Tehalonia 5:23

Ke fakapaiagia kātoatoa koutou e te Atua e o ia te fīlēmū, ma tauhi ki outou tagata kātoatoa — i te itū ki te agaga, te loto, ma te tino — ke aunoa ma he hehē, kāfai e afio mai to tātou Aliki ko Iehu Keliho.

1 Timoteo 2:2

mo tupu ma ki lātou uma e i ei te pule, kae ke mafai ai ki tātou ke ola i he ōlaga e toka fīlēmū, ma ifo atu ki te Atua ma te agaga fakaaloalo.

2 Timoteo 2:15

Taumafai ki mea e gata mai ai tō mafai ke talia kātoatoa koe i mua o te Atua, e vē he tino faigāluega e hē mā i tana gāluega, ma e akoako hako e ia te kupu moni a te Atua.

2 Timoteo 4:18

Ma ka laveakia au e te Aliki mai nā faiga kino uma, ma ia kavea au ma te haogalēmū ki tona Mālō i te lagi. Ke ia te ia te vīkiga ke pa lava ki te fakavavau! Amene.

Iakopo 1:12

Amutia nā tino e onohai i nā taimi o tofotofoga, auā kāfai e manumālō ki lātou i nā tofotofoga vēnei, ka ki lātou maua te taui, ko te ola tēia kua uma te folafola e te Atua mo nā tino e alolofa ake ki a te ia.

1 Petelu 2:12

E tatau ke lelei autou āmio i te kikila a nā tino fakapaupau. Kāfai la ka faitiogia koutou e ki lātou ma lea e koutou faia nā āmioga kino, ka mafai ke ki lātou kitea autou gāluega lelei ma viviki ake ai ki te Atua i te Aho e haele mai ai.