2 Kolinito 13:5 - Tokelauan New Testament

⁵ Kikila ifo koutou ki a te koutou lava ma hukehuke ifo pe koi tūmau te koutou fakatuatua. E moni nei lava e hē koutou iloa ko Keliho Iehu e i ei fakatahi ma koutou — vaganā ai la pe kāfai kua matuā pakū lava koutou i te hukega.

2 Kolinito 13:5 ပူးပေါင်းရင်းမြစ်များ

Ioane 14:23

Kua tali mai ia Iehu ki ei, “Ko nā tino e alolofa mai ki a te au, ka uhitaki ki aku akoakoga. Ka alofa toku Tamana ki a te ki lātou, ma ka oatu ki māua ma toku Tamana ki a te ki lātou ma nonofo fakatahi ma ki lātou.

Ioane 15:4

Ke tūmau te tahi o koutou ia te au, e vē ona tūmau te tahi o au ia te koutou. E hē mafai e he lālā ona fua mai ni ona fua ia te ia lava; e mafai oioti kāfai e tūmau i te vine. E vēnā foki ona hē mafai ke fua mai ni fua ia te koutou, vaganā koutou e tūmau ia te au.

Ioane 17:23

ko au ia te ki lātou ma koe ia te au, kae ke mautū ai to lātou tahi, ke iloa ai e te lalolagi ko au na uga mai e koe, ma ko koe e alofa ki a te ki lātou e vē ona alofa mai koe ki a te au.

Ioane 17:26

Ko koe na fakailoa e au ki a te ki lātou, ma ka kō faia pea lava te mea tēnei, kae ke ia te ki lātou ai te alofa o koe e vē ona ia te au, ma ke i ei ai foki au ia te ki lātou.”

Ioane 6:56

Ko nā tino e kakai ki toku kanofi ma inu ki toku toto, e tūmau ki lātou ia te au, ma au foki ia te ki lātou.

Ioane 6:6

(Na lea vēnā ki a Filipo, ke kikila pe ka vēhea ake hana tali; kae ko te meamoni, kua uma te ia iloa tana mea ka fai ka ko hēki fehili ai.)

Loma 1:28

Ona ko nā tino iēnei kua hē fia talia e ki lātou te mālamalama moni e uiga ki te Atua, kua tīaki vē ai ki lātou e te Atua ma o lātou māfaufau pikopiko, kae ke fai ai pea e ki lātou nā mea e hē tatau ke ki lātou faia.

Loma 8:10

Kae kāfai ia Keliho e ola i loto ia te koutou, ko te Agaga tēnā o te ola mo koutou; auā kua uma te fakalelei o te va o koutou ma te Atua, e ui lava ko outou tino e fano e oti, ona ko te agahala.

1 Kolinito 11:28

Ko te mea ia, e tatau ke muamua iloilo ifo e te tino tona lava loto, oi kua kai ai ki te falaoa ma inu ki te ipu.

1 Kolinito 11:31

Anei e ki tātou mafaia oi hukehuke ifo muamua ki o tātou loto, ko ki tātou e hē kavea ki te fakamahinoga a te Atua.

1 Kolinito 3:16

E hē koutou iloa ko koutou ko te mālumalu o te Atua, ma ko te Agaga o te Atua e nofo i loto ia te koutou?

1 Kolinito 6:15

E hē koutou iloa ko outou tino ni itūtino e o te tino o Keliho? Ka kave nei la e au he itūtino o te tino o Keliho oi fai ma itūtino o te tino o he fafine talitāne? E matuā hē mafai lava.

1 Kolinito 6:19

E hē koutou iloa ko outou tino ko te mālumalu ia o te Agaga Paia, e nofo i loto ia te koutou, ma na fōki atu e te Atua ki a te koutou? Ko koutou e hē a koutou kae e a te Atua;

1 Kolinito 6:2

E hē koutou iloa ko tagata o te Atua te ki lātou fakamahinoagia te lalolagi? Kāfai la ka fakamahino e koutou te lalolagi, e hē mafai nei la e koutou oi fakamahino nā tamā mea?

1 Kolinito 9:24

E iloa e koutou e tokalahi nā tino fētutuli i he tūkuga, kae e fokotahi oioti te tino e maua e ia te fakailoga. Fētutuli la kae ke maua te fakailoga.

1 Kolinito 9:27

E fakamākeke e au toku tino i te tatuki ma pūlea ki toku loto kātoa, nā ia au e fakahala ma tuli kehe ma te tākaloga, tēia kua uma toku kalaga ki iētahi tino ke ōmamai oi tākakalo ai.

2 Kolinito 6:16

E vēhea ona mafai ke talia nā tupua i loto o te mālumalu o te Atua? Auā ko ki tātou ko te mālumalu ia o te Atua e ola! E vē oi vāgana te Atua, “Ka mau au i loto o oku tagata ma havali fakatahi ma ki lātou; ka fai au ma o lātou Atua, ma ka kavea ki lātou ma oku tagata.”

Kalatia 2:20

kae ke nahe ko au te ola, kae ko Keliho e ola i loto ia te au. I te ōlaga tēnei e ola ai au i te taimi nei, ko au e ola ona ko toku fakatuatua ki te Ataliki o te Atua, tē e alofa mai ki a te au ma na fōki tona ola kae ke ola ai au.

Kalatia 4:19

Taku fānau pele! E vē o na lagona nā tīgā e he mātua kāfai ka fānau, e vēnā foki oi lagona e au nā tīgā, ke pa lava ki te taimi e kavea ai koutou ke vē ko Keliho.

Kalatia 6:4

E tatau ke kikila totoka ifo lava te tino ki ana lava gāluega na fai. Kāfai e lelei ana gāluega, oi e tatau ai lava la ke ia lagona te fāfia i tona loto. Kae nahe ia fakatuhatuhagia ki ni mea a hētahi tino kua fai.

Efeho 3:17

ma ko au e tatalo ko Keliho ke mau i nā loto o koutou e ala i te koutou fakatuatua. Ko au e tatalo ke mautū lelei te koutou fakavae i luga o te alofa,

Kolohe 1:23

Ko koutou la e tatau ke tūmau i te fakavae o te koutou fakatuatua, ma ke nahe māluelue lele mai te fakamoemoe na maua e koutou i te koutou lagonaga o te Tala Lelei. E mo te Tala Lelei tēnei kua kavea ai ia au tēnei ko Paulo, ma kaukauna — te Tala Lelei tēia kua folafola ki tagata uma o te lalolagi.

Kolohe 1:27

Ko te fuafuaga a te Atua, ke fakailoa atu tana mealilo ki ona tagata, te mealilo e vē he koloa tāua ma te gali, mo mālō uma. Ma ko te mealilo la, ko Keliho e i loto ia te koutou, ko tona uiga, ka i ei fakatahi koutou i te mamalu o te Atua.

Kolohe 2:19

ma kua hē pipiki ai ki a Keliho, te ulu o te Ekalehia. I lalo o te pule a Keliho, ko te tino o te Ekalehia kātoa e fafaga ma tāofi fakatahi e nā hokoga ma nā maho, ma e tupu e vē oi finagalo ki ei te Atua.

Kolohe 2:7

Ke mau ma loloto nā aka o koutou ia te ia, ati ake outou ōlaga i luga o ia, ma ke tuputupu te mālohi o te koutou fakatuatua, e vē oi akoako atu ai koutou. Ma ke fakatūtumugia koutou i te loto fakafetai.

1 Timoteo 2:15

Kae ka maua e fafine te fakaolataga e ala i te fānau mai e ki lātou o tamaiti, pe kāfai e tūmau pea to lātou fakatuatua, te alofa ma te āmiotonu vēnā ma te loto maulalo.

2 Timoteo 3:8

E vē oi teteke ia Ianehe ma Iamele ki a Mohe, e vēnā foki oi teteke nā tino iēnei ki te meamoni — nā tino kua kino nā māfaufau ma e hē moni to lātou fakatuatua ki a Keliho.

Tito 1:16

Ko nā tino vēnei e lea e ki lātou iloa te Atua, kae e kitea ia lātou mea e fai te hē hako o tēnei fakakupuga. Ni tino e inohia ma hē fakalogo ki te Atua, ma e hē ki lātou mafaia oi fai he mea lelei e fokotahi.

Tito 2:2

Fakatonu nā tamāloa mātutua ke nahe konanā, ke popoto ma ola pūlea; ke mautū i to lātou fakatuatua, ke alolofa ma ke onohai.

Epelu 12:15

Tautuanā e hēai he tino e liliu kehe mai te alofa tūnoa o te Atua. Nahe i ei lele he tino e vē he lākau kona e tupu ake ma fai ma fakafītāuli ona ko tona kona.

Epelu 4:1

Ko te folafolaga a te Atua e uiga ki te nuku e maua ai e ki tātou te malōlōga, e i ei pea lava. E tatau la ki tātou ke fakaeteete, nā he tino o koutou e hē ia mauagia te malōlōga kua folafola mai.

Epelu 6:8

Kae kāfai e ola ake ai ni lākau tālatala ma ni vao kino, e hēai hona aogā, ma e ono fetū e te Atua ma huhunu i te afi.

Iakopo 4:4

Ko koutou e vē ni tino kua mulilua. E hē koutou iloa ko te fakauō ma te lalolagi ko te teteke tēnā ki te Atua? Ko nā tino e fofou ke kavea ki lātou ma uō a te lalolagi, kua ki lātou faia lava ki lātou ma fili o te Atua.

1 Petelu 5:9

Ke mautū te koutou fakatuatua ma teteke ki ei, auā e koutou iloa ko nā uho Kelihiano o koutou i te lalolagi kātoa, e maua foki i nā puapuagā e vē ko koutou.

Fakaaliga 2:5

Māfaufau ki te lahi o te agahala kua pakukū koutou ki ei. Liliu kehe loa lava mai autou agahala, ma fai nā mea nae koutou faia muamua. Kāfai koutou e hē liliu kehe mai autou agahala, ko au ka fanatu oi kave kehe te tugāmōlī a koutou mai te mea e tū ai.