2 Kolinito 13:4 - Tokelauan New Testament

⁴ Auā e ui lava ko te vāivai o ia te na fakahātaulo ai, kae ko te mana o te Atua te ola ai nei. I te māfutaga ma ia, ko ki tātou foki e vāivai; kae i te mātou hokotaga ma koutou, ka maua fakatahi ai e ki tātou te mana o te Atua i te ola o Keliho.

2 Kolinito 13:4 ပူးပေါင်းရင်းမြစ်များ

Ioane 10:18

E hēai he tino e ia kave kehea toku ola mai ia te au, kae e kō ofo atua i toku loto malie. E ia te au te pule ke ofo atu ai toku ola, ma e ia te au foki te pule e toe kaumai ai. Ko te mea tēnei kua fakatonu mai e toku Tamana ke kō faia.”

Gāluega 2:36

“Ko te mea ia e tatau ai ke iloa ma mautinoa e koutou nā tino Ihalaelu uma, ko te Iehu tēnei, tēia na koutou fakahātauloagia, ko te tino ia kua fai e te Atua ma Aliki, ma ko ia ko te Mehia!”

Gāluega 3:16

Ko te mana o Iehu te na mālohi ai te pipili. Ko te mea kua kikila koutou ki ei ma iloa e koutou, na fai e ala i te fakatuatua ki tona igoa; ko to mā fakatuatua ki a Iehu, te na mafai ai ke fakamālōlō te pipili i mua o koutou uma.

Loma 14:9

Auā ko Keliho na oti ma toe ola mai, kae ke kavea ai ia ma Aliki mo tagata ola, vēnā ma tagata oti.

Loma 6:4

I te papatihoga la o ki tātou, ko ki tātou na oti ma na tanu fakatahi ma Keliho. Ko ki tātou na papatiho kae ke ola ai ki tātou i he ola fou, e vē ona toe fakatū ia Keliho ki te ola i te mana o te Atua te Tamana.

1 Kolinito 1:25

Auā ko te mea e fōliga ko te valea o te Atua, ko te poto tēnā e hili lele atu i lo te poto o te tagata, ko te mea foki e fōliga ko te vāivai o te Atua, ko te mālohi tēnā e hili lele atu i lo te mālohi o te tagata.

1 Kolinito 15:43

Kāfai e tanu, e mātagā ma vāivai; kāfai e toe fakatū mai i te oti, ka mānaia ma mālohi.

1 Kolinito 2:3

Ma i te kāmataga, ko au nae vāivai ma tete i te mataku,

1 Kolinito 6:14

Ko te Atua na ia fakatūa te Aliki mai te oti, ma ka ia fakatutūa foki ki tātou i tona mana.

2 Kolinito 10:10

Auā ko iētahi o koutou e lea vē, “Te loloto ma te mālolohi o nā tuhi a Paulo, kae kāfai e i kinei ma ki tātou, te vāivai ma te hēai o he uiga o ana kupu!”

2 Kolinito 12:10

E kō taliagia la oku vāivaiga, nā kupu tau fakakino, nā fakafītāuli, nā fakahāuāga ma nā fakalavelave tutupu, ona ko Keliho. Auā kāfai au e vāivai, oi e mālohi ai au.

2 Kolinito 13:9

Ko ki mātou e fiafia kāfai ki mātou e vāivai kae mālolohi koutou. Ma ko ki mātou foki la e tatalo ke hili atu te tūlaga ka i ei ai koutou.

Filipi 3:10

Oioti lava la te mea e fofou au ki ei, ke iloa e au ia Keliho ma te mana o tona toetū, ke puapuagā au e vē ko ia, ma ke oti foki au e vē ko ia

Epelu 5:7

I te ōlaga o Iehu i te lalolagi nei, nae tatalo ma ole atu ma te leo lahi ma te maligi o loimata ki te Atua, tē e ia mafaia oi fakahao ia mai te mate. Ona ko Iehu e loto maulalo ma na ofo kātoatoa atu ia mo te Atua, na tali mai ai ki ei te Atua.

1 Petelu 3:18

Auā ko Keliho na mate fakafokotahi oioti lava mo nā agahala, he tino āmiotonu na fai ma hui o nā tino hē āmiotonu, kae ke takitakia ai koutou ki te Atua. Na tāmate i tona tino tagata, kae na fakaola i te fakateagaga,

1 Petelu 3:22

tēia kua fano ki te lagi ma e i te itū taumatau o te Atua, ma e pule ia i agelu uma, taupulega ma mālohiaga uma i te lagi.