2 Kolinito 13:10 - Tokelauan New Testament

¹⁰ Ko au kua tuhi atu nei ka ko hēki fanatu au, kae ke pa atu ki te taimi e fanatu ai au, ka hē hona fakaaogā e au ki a te koutou, te pule kua tuku mai e te Aliki ki a te au — te pule ke fakamākekeke ai koutou, kae hē ke fakavāivai ai.

2 Kolinito 13:10 ပူးပေါင်းရင်းမြစ်များ

1 Kolinito 4:21

He ā te fofou koutou ki ei? Ke fanatu au ma te kini ki a te koutou, pe fanatu i te agaga o te alofa ma te agamalū?

1 Kolinito 5:4

e vē lava au e i kinā fakatahi ma koutou. Kāfai koutou e maopoopo, ma i ei ai ma toku agaga fakatahi ma te mana o to tātou Aliki ko Iehu,

2 Kolinito 10:2

Ko au e talohaga atu, ke nahe faia lele e koutou he mea ke fakaali ai toku loto hāuā kāfai au e fanatu; auā ko au kua hāuni ke fakakikila ki toku loto hāuā, nā tino e lea ko a mātou mea e fai e fakavae i nā lagona fakatelalolagi.

2 Kolinito 10:4

Ko nā meatau e ki mātou fakaaogā e hē ni meatau o te lalolagi, kae ko nā meatau mālolohi a te Atua, e mafai ai e ki mātou oi talepe nā olo mālolohi. E fakahēaogā e ki mātou nā talitonuga hehē;

2 Kolinito 10:8

Auā ko au e hē ma, e tuha lava pe kua hona fāfia ātili au ona ko te pule kua tuku mai e te Aliki ki a te ki mātou — te pule ke fatufatu ake ai ki luga te koutou fakatuatua, kae hē ke fakaumatia ai koutou.

2 Kolinito 13:2

Ko au e fia lea atu ki a te koutou iēnā nae agahala i te taimi kua teka, vēnā ma iētahi uma; na lea atu au i te mea tēnei i te lua o taimi na āhiāhi atu ai au, kae ka toe lea atu au i te taimi nei kua hē i kinā au: ko tētahi taimi e fanatu ai au, e hēai he tino e fakahaoa mai te fakahalaga.

2 Kolinito 13:8

Auā e hēai he mea e mafai ke fai e ki tātou ke teteke ai te meamoni, kae nā ko te lagolago ki ei.

2 Kolinito 2:3

Ko te ala ia na tuhi atu ai taku tuhi tēnā ki a te koutou — ko au e hēki fofou ko au ke fanatu ke fakamahiahi e nā tino na tatau ke ki lātou faia nā mea e fakafiafia mai ki a te au. Auā e mautinoa lelei e au, kāfai au e fiafia, ko koutou uma foki e fiafia.

2 Kolinito 6:6

Ko to mātou loto mamā, te iloa, te onohai ma te agalelei, kua fakaalia ai ko ki mātou ni kaukauna e a te Atua — e ala i te Agaga Paia, e ala i to mātou alolofa moni,