2 Kolinito 12:9 - Tokelauan New Testament

⁹ Kae na tali mai vē, “Ko toku alofa tūnoa e lava mo koe, auā ko toku mana e kātoatoa te mālohi i nā taimi e vāivai ai koe.” Ko au la e fiafia lahi ke fāfia i oku vāivaiga, kae ke ia te au ai te puipuiga a te mana o Keliho.

2 Kolinito 12:9 ပူးပေါင်းရင်းမြစ်များ

Mataio 28:18

Kua hōhō atu ia Iehu ki o lātou tafa, oi vāgana atu ai ki ei, “Ko te pule kātoa i te lagi ma te lalolagi, kua tuku mai ki a te au.

Mataio 28:20

ma akoako ki a te ki lātou ke mulimuli ki nā mea kua kō fakatonua ai koutou. Ma ko au ka fakatahi pea lava ma koutou, ke pa lava ki te gataaga o te ōlaga.”

Luka 21:15

auā ka fōki atu e au ki a te koutou nā kupu o te poto; ma ka hē mafai ai e nā fili o koutou oi tali ki ei, pe ki lātou taku hehēa nā mea e lea ai koutou.

1 Kolinito 10:13

Ko nā tofotofoga kua pa koutou ki ei ko te itūkāiga lava e tahi e maua ai foki ia tagata uma. Kae ko te Atua e tauhi ki tana folafolaga, ma e hē ia tukua koutou ki he tofotofoga e hili atu i lo te koutou mālohi ke mau lelei ai autou tutū; i te taimi e tofotofo ai koutou, ka fōki atu e ia te mālohi ke maua ai e koutou te onohai, ma mafai ai ke hao kehe koutou.

1 Kolinito 15:10

Kae ko te alofa tūnoa o te Atua kua kavea ai au ke vēnei, ma ko tona alofa tūnoa ki a te au e hēki māumau. Kua hili atu toku galue mālohi i lo hētahi o te kau apohitolo, e ui lava e hē ona ko he mea na kō faia, kae ko te alofa tūnoa o te Atua e galue ma au.

1 Kolinito 2:3

Ma i te kāmataga, ko au nae vāivai ma tete i te mataku,

1 Kolinito 2:5

Ko te koutou fakatuatua la, e hē fakalagolago ki te poto fakatetagata, kae e fakalagolago ki te mana o te Atua.

2 Kolinito 11:30

Kāfai au e tatau ke fāfia, ko au e fāfia i nā mea e kitea ai toku vāivai.

2 Kolinito 12:1

Ko au e tatau ke fāfia, e ui lava e hēai hona aogā. Kae ko au ka tautala atu e uiga ki nā mea na fakailoa mai e te Aliki ki a te au, e ala i ni miti ma ni fakaaliga.

2 Kolinito 12:10

E kō taliagia la oku vāivaiga, nā kupu tau fakakino, nā fakafītāuli, nā fakahāuāga ma nā fakalavelave tutupu, ona ko Keliho. Auā kāfai au e vāivai, oi e mālohi ai au.

2 Kolinito 12:15

E fiafia lahi lele au oi fakafano uma aku mea vēnā ma toku tagata kātoa, ke fehoahoani atu ki a te koutou. Kāfai nei e ātili lahi toku alofa ki a te koutou, ka ātili fakaitiitia ai nei te koutou alolofa mai ki a te au?

2 Kolinito 12:5

Ko au la ka fāfia ona ko te tino tēnei; kae ko au ka hē fāfia mo au lava, vaganā ai nā mea e kitea ai toku vāivai.

Efeho 3:16

Ko au e tatalo ki te Atua ke fōki atu ki a te koutou mai te lahi o tona alofa tūnoa, te mālohi e ala i tona Agaga, ke mākekeke ai outou loto;

Filipi 4:13

Kua fōki mai e Keliho ki a te au te mālohi, ke talia ai e au ho he mea.

Kolohe 1:11

Koutou ke fakamākekeke i te mālohi kātoatoa mai tona mana, kae ke mafai ai e koutou oi talia nā mea uma ma te onohai. Ma i te agaga fiafia, hiki ake te fakafetai ki te Tamana, tē kua ia hāuniagia koutou ke maua he koutou vāega o te tofi kua uma te fakailoga e te Atua mo ona tagata, i te mālō o te mālamalama.

1 Timoteo 1:14

Na fakatumulia au i te alofa tūnoa o to tātou Aliki ma ia fōki maia ki a te au te fakatuatua ma te alofa, e ala i te māfutaga ma Keliho Iehu.

Epelu 11:34

na ki lātou tāmatea nā afi fakamātakutaku ma mafai ke hao mai i te pelu. Nae vāivai ki lātou kae na maua e ki lātou te mālohi; na uiga kehe to lātou mākeke i nā taua, ma na ki lātou fakatōkilalogia nā vaegākau a nā mālō kehe.

Epelu 4:16

Ke ia te ki tātou la te loto mākeke, ma fakatafapili atu ki te Atua i tona nofoāliki, e i ei ai te alofa tūnoa. Ka maua ai e ki tātou i kinā, te alofa fakahao ma te alofa tūnoa ke fehoahoani ki a te ki tātou, i nā taimi e manakomia ai e ki tātou.