2 Kolinito 12:18 - Tokelauan New Testament

¹⁸ Na tauanau e au ia Tito ke fanatu, ma uga atu ai fakatahi ma tētahi uho o ki mātou. Na fakavalea nei koutou e Tito? Nae hē tutuha nei la o ma loto, ma nā mea nae fai e ki māua?

2 Kolinito 12:18 ပူးပေါင်းရင်းမြစ်များ

Loma 4:12

Ko ia foki ko te tamana o ki lātou kua uma te pelitome, ko tona uiga, ko nā tino e hē gata i te kua uma o te pelitome, ka nae ola foki i he ōlaga fakatuatua e vē ko te ōlaga nae ola ai ia Apelaamo, ka ko hēki pelitome ai.

1 Kolinito 4:21

He ā te fofou koutou ki ei? Ke fanatu au ma te kini ki a te koutou, pe fanatu i te agaga o te alofa ma te agamalū?

2 Kolinito 7:2

Tatala mai ko outou loto ki a te ki mātou. E hēki ki mātou fakahehēa he tino; e hēki fai kino ki mātou ki he tino, ma e hēki fakavalea e ki mātou he tino.

2 Kolinito 7:6

Kae ko te Atua, tē e maua ai te fakamālohiaga e ki lātou kua tau hēai he fakamoemoe, na fakamālohi mai ki a te ki mātou, i te hauga o Tito.

2 Kolinito 8:6

Ko te mea ia kua fakamālohi ai ki mātou ki a Tito, ona na ia kamatagia te gāluega tēnei, ke fakaauau pea ma ke fehoahoani atu ki a te koutou ke fakauma te gāluega lelei na ia kamatagia.

1 Petelu 2:21

Ko tēnei te mea na kalagagia ai koutou e te Atua, auā ko Keliho lava ia na puapuagā mo koutou, ma ia tukua mo koutou he fakatakitakiga, kae ke mulimuli ai koutou ki nā mea nae ia faia.