2 Kolinito 11:9 - Tokelauan New Testament

⁹ Ma i te taimi tēnā, e hēki fakafītā lele atu au ki a te koutou, kāfai au e fofou ki he tupe; ko nā mea uma lele na manakomia e au, na kaumai e nā uho Kelihiano i Maketonia. E hēki fakafītā atu au ki a te koutou i te taimi kua teka, e vēnā foki oi hē fakafītā au ki a te koutou i te lumanaki.

2 Kolinito 11:9 ပူးပေါင်းရင်းမြစ်များ

Gāluega 18:3

oi nofo ai ma faigāluega ma te toka lua tēnei, auā ko tana gāluega nae fai ke ola ai ia ko te fai falekie, e vē foki lava ko nā gāluega a te toka lua tēnei.

Gāluega 18:5

I te taunuku ifoga o Hila ma Timoteo mai Maketonia, oi tuku ai loa e Paulo nā gāluega a ia nae fai kae kua fakaaogā tona taimi kātoa ke folafola ai te fekau ma fakamanino lelei ki tagata Iutaia, ko Iehu ko te Mehia.

Gāluega 20:33

E hēki kō manakomiagia ni hiliva, pe ni aulo, pe ni kofu mai he tino.

Loma 15:26

Auā kua tonu i nā Ekalehia i Maketonia ma Akaia ke kave ha lātou tāulaga ke fehoahoani ki nā tino mātitiva o te Atua i Ieluhalema.

1 Kolinito 16:17

Ko au na fiafia lele i te ōmamaiga o Hetefana, Fotunatu ma Akaiku, auā ko to lātou i kineiga, kua e vē ai lava ko koutou foki ei kinei,

2 Kolinito 6:4

Kae ko nā mea uma e ki mātou faia, e kitea ai ko ki mātou ni kaukauna e a te Atua. Ko ki mātou e onohai pea lava, e ui lava e maua ki mātou i te lahi o puapuagā, fakafītāuli ma lavelave.

2 Kolinito 9:12

Auā ko te koutou fehoahoani tēnei, e hē gata e fehoahoani ai ki tagata o te Atua, kae ka mafai ai foki ke lagona e te tokalahi o tagata, te agaga fakafetai ki te Atua.

Filipi 2:25

Kua manatu au e tatau ke uga atu ki a te koutou to tātou uho ki a Epafolotito, toku hoa i te gāluega ma nae tau fakatahi ma au, ma ko tautou kavefekau e fehoahoani mai ki a te au.

1 Tehalonia 2:6

E hēki taumafai ki mātou ke maua ni o mātou vīkiga mai tagata, pe mai ia te koutou, pe mai i iētahi tino,

1 Tehalonia 2:9

Te kau uho, e manatua lelei lava e koutou nā gāluega fītā nae fai e ki mātou. Nae gālulue ki mātou i te ao ma te pō, kae ke nahe kavea ki mātou ma kavega ki a te koutou, i te taimi nae folafola atu ai e ki mātou te Tala Lelei mai te Atua, ki a te koutou.

Epelu 11:37

Nae fetogi i nā fatu, nae tatipi lua ma tāmate i te pelu. Nae kokofu i nā kofu paku māmoe pe ko nā paku oti — nae mātitiva, nae fakahāuāgia ma faikino ki ei ia tagata.