2 Kolinito 11:7 - Tokelauan New Testament

⁷ E hēki lea atu au ki hoku totogi i te kō folafola atuga o te Tala Lelei a te Atua ki a te koutou; na kō tukua au ki lalo kae ke fakatāua ai koutou? E hehē nei taku mea na fai?

2 Kolinito 11:7 ပူးပေါင်းရင်းမြစ်များ

Gāluega 20:33

E hēki kō manakomiagia ni hiliva, pe ni aulo, pe ni kofu mai he tino.

Gāluega 20:34

E iloa lelei lava e koutou, ko oku lima lava iēnei nae galue ke maua ai nā mea uma nae manakomia e au ma oku hoa a kaukauna, ke ola ai ki mātou.

Loma 1:1

Mai ia Paulo, he kaukauna e a Keliho Iehu, ma ko he apohitolo na kalagagia ma filifilia e te Atua, ke tālakia tana Tala Lelei.

1 Kolinito 9:12

Kāfai e i iētahi tino te aiātatau ke tauhi ai ki lātou e koutou, ka hē hili atu nei la ta mātou aiātatau? E ui i tēia, e hēki ki mātou fakaaogā te aiātatau tēnei. Kae kua onohai ki mātou i nā mea uma, kae ke nahe kavea ma mea e tulave ai te Tala Lelei e uiga ki a Keliho.

1 Kolinito 9:6

Pe ko te mea ko ki māua oioti lava ma Panapa te tatau ke gālulue mo ni totogi ke tauhi ai lava ki māua?

2 Kolinito 10:1

Ko au ko Paulo, e aioi atu ki a te koutou i te igoa o Keliho, tē e agamalū ma agaalofa. Ko au tē e lea nā tino, e matamuli ma loto maulalo kāfai e fakatahi ma koutou, kae loto hāuā kāfai e i hētahi mea.

2 Kolinito 10:16

Oi mafai ai ke folafola atu te Tala Lelei e ki mātou ki iētahi atunuku i tua atu o koutou, e aunoa ma ho mātou fāfifia i ni gāluega kua uma te fai i he fatoaga a hētahi tino.

2 Kolinito 12:13

He ā nei he mea na fai e au ki a te koutou e hēki kō faia ki iētahi Ekalehia? Oioti lava te mea, ko koutou e hēki fakafītatā lele e au i ni fehoahoani tau tupe? Fakamāgalo mai au kāfai kua hē fetaui taku mea kua fai.

2 Kolinito 2:12

E taunuku atu au ki Tolōata ke tālaki te Tala Lelei e uiga ki a Keliho, kua uma te hāunia e te Aliki te avanoa mo tana gāluega i kinā.

1 Tehalonia 2:9

Te kau uho, e manatua lelei lava e koutou nā gāluega fītā nae fai e ki mātou. Nae gālulue ki mātou i te ao ma te pō, kae ke nahe kavea ki mātou ma kavega ki a te koutou, i te taimi nae folafola atu ai e ki mātou te Tala Lelei mai te Atua, ki a te koutou.

2 Tehalonia 3:8

E hēki talia lele e ki mātou he fehoahoani mai he tino e aunoa ma te totogi e ki mātou ki ei i he tupe. Ko ki mātou nae gālulue ma te fītatā i te ao ma te pō, kae ke nahe fakafītatā ki mātou ki a te koutou.