2 Kolinito 11:3 - Tokelauan New Testament

³ Ko au e popole nā ia koutou e fakavaleagia, e vē ko te fakavaleaga o Eva e te gata tau fakahehē, ma takitaki kehe ai koutou mai te koutou tāpuaki ki a Keliho, i te agaga kātoatoa ma te fakamāoni.

2 Kolinito 11:3 ပူးပေါင်းရင်းမြစ်များ

Mataio 24:24

Auā ka ōmamai nā Keliho pepelo ma nā pelofeta pepelo; ka ki lātou faia ni vāvega uiga kehe ma ni mea ofoofogia ke fakahehē ai ia tagata, ke pa lava ki tagata kua filifilia e te Atua, pe kāfai e mafai.

Ioane 8:44

Ko koutou ko nā fānau a te koutou tamana, te Tiāpolo, ma e fofou lava koutou ke fai te mea e fofou ia ki ei. Mai te kāmataga, ko ia ko he fahioti tagata ma nae hē fofou lele ki te meamoni, ona e hēai he meamoni e ia te ia. Kāfai e tautala i te pepelo, e fai lava e ia te mea kua māhani ai, auā ko ia ko he tino talapepelo, ma ko te tamana o talapepelo uma.

Loma 12:8

kāfai ko te fakamālohi ki iētahi tino, e tatau ke fai te mea tēnā e ki tātou. Kāfai e fōki ni a tātou mea mo iētahi tino, e tatau ke fōki ke lava ma totoe; kāfai e ia te ki tātou te pule, e tatau ki tātou ke gālulue ma te mālohi; kāfai ki tātou e agalelei ki iētahi tino, e tatau ke fai ma te fiafia.

2 Kolinito 1:12

Ko ki māua e mafai ke fāfifia auā ko o mā lotofuatia e mamā lava. Ko a mā gāluega i te lalolagi nei, kae maihe lava i te va ma koutou, e fai lava ma te fakamāoni ma te loto mamā mai te Atua. Ko te mana o te alofa tūnoa o te Atua te mafai ai nā mea iēnei, kae hē ona ko he poto o te tagata.

2 Kolinito 11:20

E onohai koutou kāfai koutou e fakapologa e he tino, pe fakavalea, pe honafai, pe manatu fakatauva ki a te koutou, pe fai ni ona uiga hē māfaufau ki a te koutou.

2 Kolinito 11:29

Kāfai he tino e vāivai, oi e lagona foki e au te vāivai; kāfai he tino e takitakia ma pakū ki te agahala, ko au e tumu i te fakanoanoa.

2 Kolinito 2:17

Ko ki mātou e hē vē ko te tokalahi o iētahi tino; e folafola e ki lātou te fekau a te Atua kae ke maua ai ni a lātou tupe; kae ona ko ki mātou na uga mai e te Atua, ko ki mātou e tautatala ma te fakamāoni i mua o te Atua, e ala ia Keliho.

2 Kolinito 4:2

Kua tuku kehe e ki mātou nā uiga mātagā uma ma nā faiga fakalilolilo; e hē taumafai ki mātou ke fakahehē he tino, pe fakaliliu hehē te fekau a te Atua. E molimau te Atua ko ki mātou e tautatala oioti i te meamoni, ma ko te mea ia ka mafai ai ke talitonu mai nā tino ki a te ki mātou.

Kalatia 1:6

Ko au e ofo ki te vave lele oi fulitua o koutou ki tē na kalagagia koutou e ala i te agalelei o Keliho, ma talia hētahi talitonuga e lea nā tino ko he tala lelei.

Kalatia 2:4

e vē ona fofou ki ei ni tino. Ko nā tino iēnei na lea ko ki lātou kua talitonu e vē ko ki mātou, kae ni hipai na ōmamai kae ke ki lātou iloa ai e uiga ki te haolotoga kua ki mātou maua, e ala ia Keliho Iehu. Nae fofou ke fai ki mātou ke vē ni pologa,

Kalatia 3:1

Kai koutou iēnā i Kalatia te vālelea! Ko koutou nei na fakalauatau e he tino? Ko tēnā na fakakikila outou mata ki te fakamatalaga manino e uiga ki te mate o Iehu Keliho i luga o te hātaulo?

Kalatia 4:11

Ko au te popole na meake ko aku gāluega uma e fai mo koutou, e fakahēaogāgia?

Efeho 4:14

Ka hē toe vē ki tātou ni tamaiti e fetolifaki e nā galu ma pūhia holo i matagi vale o nā akoakoga a nā tino faitogafiti kino, iē e ki lātou takitakia iētahi tino ki te mea hehē, e ala ia lātou togafiti popoto.

Efeho 4:22

Ko te mea ia, tīaki loa outou uiga tuai nae ola ai koutou muamua — nā uiga tuai e fakaumatia ai koutou ona e maua mai ai e koutou nā tuinanauga e fakahehē ai.

Efeho 6:24

Ke ia te koutou uma e alolofa pea lava ki to tātou Aliki ko Iehu Keliho, te alofa tūnoa o to tātou Atua.

Kolohe 2:18

Nahe talia e koutou ni faitioga mai he tino e lea e hili atu tona tāua i lo koutou ona ko he fakaaliga fakapitoa na ia kitea, ma e fakatagā lotomaulalo ma tāpuaki pea lava ki nā agelu. Ko nā tino vēnei e manatu fakamaualuga ona ko na lagona fakatetagata,

Kolohe 2:4

Ko au e lea vēnei atu kae ke nahe fakahehēa koutou e he tino i ni fakamatalaga hē hako.

Kolohe 2:8

Kikila lelei la kae ke nahe fakavaleagia koutou e he tino i te poto pepelo fakatetagata e hēai he aogā, tēia e hau mai nā akoakoga tuku fakaholo a tagata ma agaga e pūlea te vāteatea, kae hē mai ia Keliho.

1 Tehalonia 3:5

Ko te ala ia na uga atu ai e au ia Timoteo. Kua hē kō nafatia lele toku fia iloa te tūlaga kua i ei te koutou fakatuatua, oi kua uga atu ai e au kae ke maua mai he fakamatalaga. Kua hē uma toku popole auā koutou i nā fakaohoohogia e te Tiāpolo, ma fakahēaogā uma lele ai a mātou gāluega.

1 Timoteo 1:3

Ko au e fofou ko koe ke nofo i Efeho, e vē lava oi lea atu ai au ki a te koe ka koi faimalaga atu au ki Maketonia. E i ei nā tino i Efeho e akoako e ki lātou ni matākupu hehē, ma e tatau ke fakatonu e koe nā tino iēnei ke tuku loa te lātou mea tēnei e fai.

1 Timoteo 2:14

Ma e hē ko Atamu te na fakahehē e te gata, kae ko te fafine te fakahehē ma na ia holia ai te tūlāfono a te Atua.

2 Timoteo 3:13

ma ko nā tino āmio kino ma tau fakahehē, ka fakaatili te kino o a lātou mea e fai, i te fakahehēga o tagata ma te fakahehēga foki lava o ki lātou.

Tito 1:10

Auā e tokalahi nā tino, kae maihe lava ki lātou nae i te tāpuakiga faka-Iutaia, e teteke ma fakahehē ki iētahi tino, i nā kupu e hēai ni uiga e tautatala ai.

Epelu 13:9

Ia koutou nahe takitaki kehea mai te auala moni ona ko te mau akoakoga kehekehe. E lelei te maua o te loto mākeke mai te alofa tūnoa o te Atua, kae hē mai te uhitaki ki nā tūlāfono e uiga ki nā meakai; ko nā tino e uhitaki ki nā tūlāfono iēnei e hēki ki lātou mauagia he fehoahoani ona ko to lātou uhitaki ki ei.

2 Petelu 3:17

Kae ko koutou te kau uho pele, kua uma te koutou iloa o te mea tēnei. Koutou la ke mataala, kae ke nahe tataki kehea ai koutou i nā hehē o tagata hē tauhi ki te tūlāfono, ma hē toe mautū lelei ai koutou.

2 Petelu 3:3

Ko te mea muamua, e tatau koutou ke mālamalama e i ei nā tino e pūlea e o lātou lava tuinanauga kino, ka ōmamai ki a te koutou i nā toe aho. Ka fakatauemu atu ki a te koutou

1 Ioane 2:18

Taku fānau, ko te ikuga kua pili mai! Na fakailoa atu ki a te koutou ko te Fili o Keliho e hau; kae nei e tokalahi lele nā fili o Keliho kua huhula mai, ma ko te mea ia kua iloa ai e ki tātou ko te ikuga kua pili mai.

1 Ioane 4:1

Te kau uho pele, koutou nahe talitonu ki nā tino uma e lea e ia te ki lātou te Agaga, kae hukehuke lelei ma hakili ke koutou iloa pe ko te agaga e ia te ki lātou e mai te Atua. Auā e tokalahi ia pelofeta pepelo kua olo ki itū kehekehe o te lalolagi.

Iuta 1:4

Auā e i ei nā tino hē mātataku i te Atua kua ōmamai munimuni ki te mea e i ei ki tātou; nā tino e fakahehē e ki lātou te fekau e uiga ki te alofa tūnoa o te Atua, kae ke fai ai pea o lātou tuinanauga mātagā ki te tino. E teteke foki ki lātou ki a Iehu Keliho to tātou Matai ma to tātou Aliki e fokotahi. Kua leva te vavalo e nā Tuhituhiga Paia te fakahalaga e ki lātou maua.

Fakaaliga 12:15

Oi fakahau ai ki fafo mai te gutu o te tālako he vai e vē he vaitafe ke tafe ki te fafine ma ke tāfea kehe ai.

Fakaaliga 12:9

Oi togi ai te tālako ki fafo — te gata mai te kāloā e fakaigoa ko te Tiāpolo, pe ko Hātani, tē e fakahehēa ia tagata i te lalolagi kātoa. Na togi ifo ki lalo ki te lalolagi, fakatahi ma ana agelu uma.

Fakaaliga 20:2

Kua puke e ia te tālako, te gata mai te kāloā — ko tētahi ona igoa ko te Tiāpolo pe ko Hātani — ma haihai i te filifili mo he afe tauhaga.