2 Kolinito 11:23 - Tokelauan New Testament

²³ Ni kaukauna nei ki lātou e a Keliho? Ko au e vē he vale — kae ko au he kaukauna e hili lele atu ia te ki lātou! E hili atu toku galue mālohi, e lahi atu nā taimi nae i te falepuipui ai au, e lahi atu nā taimi na kini ai au, ma e lahi atu nā taimi na mea e mate ai au.

2 Kolinito 11:23 ပူးပေါင်းရင်းမြစ်များ

Gāluega 14:19

E i ei ni tino Iutaia na ōmamai mai Anitioka i Pihitia ma Ikononu; na ki lātou mafaia oi tataki ia manatu o te kaifenua ke kau ake ki a te ki lātou. Na fetogi e ki lātou ia Paulo i nā fatu ma toho ki fafo o te kakai, ma to lātou manatu lava ko Paulo kua mate.

Gāluega 20:23

Oioti lava te mea e kō iloa, kua uma te lapataki mai o te Agaga Paia ki a te au, ko te falepuipui ma puapuagā e fakatalitali mai ki a te au i nā kakai uma e pa au ki ei.

Gāluega 21:11

Kua hau ki a te ki mātou ma tago ki te lītua o Paulo, ma noanoa ai lava e ia ona vae ma ona lima, oi lea vē ai, “Ko tēnei te vāgana a te Agaga Paia: Ko te tino e o ia te lītua tēnei, ka noanoa vēnei lava e tagata Iutaia i Ieluhalema, oi tukulima atu ai e ki lātou ki tagata nukukehe.”

Gāluega 25:14

E hēki leva ni aho talu te i kinā, oi fakamatala ai e Fehetone ki te tupu e uiga ki te mōliga o Paulo ma tana fakatagi ke kave tona fakamahinoga ke fai e te Kaihala: “E i ei he tino i kinei na tuku i te falepuipui e Felika;

Gāluega 27:1

I te tonuga ko ki mātou e tatau ke folau ki Italia, oi tuku atu ai e ki lātou ia Paulo ma iētahi pagotā ki te kikilaga a Iulio, he takitaki o he vaegākau Loma tokalahi e fakaigoa “Ko te Vaegākau a te Kaihala.”

Gāluega 28:16

I te taunuku atuga o ki mātou ki Loma, na fakataga ia Paulo ke nofo nā ko ia kae leoleo e he fitafita auā ei na hola kehe.

Gāluega 28:30

E lua ia tauhaga nae nofo totogi ai ia Paulo i he fale, ma nae talia fiafia e ia nā tino uma nae ōake oi āhi ake ia.

Gāluega 9:16

Ma ka kō fakahinoa ki ei te lahi o nā puapuagā ka pa ia ki ei, ona ka ia fakailoagia toku igoa ki tagata.”

Loma 8:36

E vē oi lea mai te tuhituhiga paia, “Ona ko ki mātou e tautua ki a te koe, kua lamatia ai o mātou ola i taimi uma; ko ki mātou e vē ko nā māmoe kua hāuni ke tāmate.”

1 Kolinito 15:10

Kae ko te alofa tūnoa o te Atua kua kavea ai au ke vēnei, ma ko tona alofa tūnoa ki a te au e hēki māumau. Kua hili atu toku galue mālohi i lo hētahi o te kau apohitolo, e ui lava e hē ona ko he mea na kō faia, kae ko te alofa tūnoa o te Atua e galue ma au.

1 Kolinito 3:5

Kae ko ai nei ia Apolo? Ko ai foki ia Paulo? Ko ki mātou kua nā ni kaukauna na fakaaogā ke auala mai ai te koutou talitonu. Ko ki mātou e gālulue i nā gāluega na tōfia ai ki mātou tau tokatahi e te Aliki:

1 Kolinito 4:1

E tatau ke ia te koutou te manatu ko ki mātou ni kaukauna e a Keliho, ni tino kua tōfia ke kikilāgia nā meamoni lilo a te Atua.

1 Kolinito 4:11

Ke pa mai ki te taimi nei, ko ki mātou e fia kakai ma fia inu; e kokofu i nā kofu gāhaehae; e kini; e hēai ni mea e nonofo ai;

1 Kolinito 4:9

Auā e fōliga kua tuku e te Atua ki mātou te kau apohitolo ki te tūlaga e pito maualalo, e vē ni tino kua fakahalagia ke feoti i mua o tagata, e vē he mataaga mo te lalolagi kātoa o te kau agelu ma o tagata ola uma.

2 Kolinito 10:7

Ko koutou e kikila ki te tino mai o nā mea i te kikila atu ki ei i fafo. E i ei nei ni tino i kinā e ki lātou mautinoa ko ki lātou e ia Keliho? E tatau ke toe māfaufau lelei ki lātou e uiga ki a te ki lātou, auā ko ki mātou e a Keliho, e vē foki lava ko ki lātou.

2 Kolinito 11:5

E manatu au e hēai lele he mea e hili atu ai nā tino fakapitoa iēnei e takua e koutou “ni apohitolo” i lo au.

2 Kolinito 3:6

ko ia lava te na mafai ai ki mātou ke kavea ma kaukauna ki te feagaiga fou. Ko te feagaiga tēnei e hē ko he tūlāfono tuhituhia, kae ko he feagaiga i te Agaga. Auā ko te tūlāfono tuhituhia e maua ai te oti, kae ko te Agaga e maua ai te ola.

2 Kolinito 4:11

I to mātou ōlaga kātoa, e lamatia pea lava o mātou ola ona ko Iehu, kae ke kitea ai tona ōlaga i loto o mātou tino e fano e pala.

2 Kolinito 6:9

Ko ki mātou e vē ni tino e hē iloa e tagata, oi kae e iloa e tagata uma ki mātou; e vē ki mātou ni tino kua feoti, kae e vē oi koutou kitea, ko ki mātou e ola lava. E ui e kini ki mātou, kae e hē oti ai ki mātou;

Kalatia 6:17

E i toku tino nā māila e fai ma fakamāoniga ko au ko he pologa e a Iehu. Nahe i ei la he tino e toe fakahoehā mai ki a te au.

Efeho 3:1

Ona ko te mea tēnei, ko au ko Paulo, te pagotā a Keliho Iehu, e tatalo ki te Atua mo koutou tagata nukukehe.

Efeho 4:1

Ko au la, tē kua kavea ma pagotā ona ko au e tautua ki te Aliki, e fakatagi atu ki a te koutou: ola ko i he ōlaga e talafeagai ma te tāua o te kalaga kua kalagagia ai koutou e te Atua.

Efeho 6:20

Ko au na uga mai ke fakatino te gāluega tēnei, ma ko te māfuaaga ia kua falepuipui ai au. Tatalo ke maua e au te lototele kāfai au e tautala e uiga ki te Tala Lelei.

Filipi 1:13

Kua iloa e nā leoleo Loma uma ma nā tino uma lele i kinei, ko au e i te falepuipui ona ko au ko he kaukauna e a Keliho.

Filipi 2:17

E tuha lava pe kāfai ka fakamaligi toku toto e vē he tāulaga e ofo atu ki te Atua i luga o te fata faitāulaga e tuha ai ma te talitonuga o koutou, ko au e fiafia ma olioli fakatahi ma koutou uma.

Kolohe 1:24

I te taimi nei, ko au e fiafia ke puapuagā au mo koutou, auā ko oku puapuagā i te tino e fehoahoani ai au ke fakakātoatoa nā puapuagā o Keliho koi totoe, mo tona tino, te Ekalehia.

Kolohe 1:29

Ko tēia e galue mālohi ma tauivi ai nei au, ma fakaaogā e au te mālohi mai ia Keliho, tēia e galue i loto ia te au.

1 Tehalonia 3:2

kae uga atu ia Timoteo, to mātou uho e gālulue fakatahi ki mātou mo te Atua i te folafolaga o te Tala Lelei e uiga ki a Keliho. Kua uga atu e ki mātou ke fakamālohi ma fehoahoani atu ke mautū ai koutou i te fakatuatua,

1 Timoteo 4:6

Kāfai e tuku atu e koe nā fakatonuga iēnei ki nā tino kua talitonu, ka kavea koe ma kaukauna lelei a Keliho Iehu. Ka fakaalia e koe ko koe kua matua i nā akoakoga e uiga ki to tātou talitonuga ma nā takitakiga kua mulimuli koe ki ei.

2 Timoteo 1:16

Ke ia Onehifolou ma tona kāiga te alofa fakahao o te Aliki, auā e lahi nā taimi na fakafiafia mai ai ia ki toku loto. Nae hē mā lele ona ko au e i te falepuipui,

2 Timoteo 1:8

Ia koe la nahe mā oi molimau e uiga ki to tātou Aliki; ia koe foki nahe mā ona ko au, he pagotā ona ko Keliho. Kae ke talia e koe tō vāega o nā puapuagā mo te Tala Lelei, e vē ona fōki atu e te Atua te mālohi ki a te koe, ke fai ai e koe te mea tēnei.

2 Timoteo 2:9

Ona e kō tālakia te Tala Lelei, kua maua ai au i nā puapuagā, ma noanoa i nā filifili ukamea e vē he tino holi tūlāfono. Kae ko te kupu a te Atua e hē noanoagia i ni filifili ukamea.

2 Timoteo 3:11

nā fakahāuāga na pa au ki ei, ma oku puapuagā. Kua kē iloa nā mea uma na tutupu ki a te au i Anitioka, Ikononu, ma Luotala, nā fakahāuāga mātuiā na pa au ki ei! Kae na laveaki au e te Aliki mai nā mea uma iēnei.

Filemoni 1:9

Kae ona ko au e alofa ki a te koe, ka hē kō fakatonua atu ai koe kae ko au ka fakatālohaga atu. E fai e au te mea tēnei e ui lava ko au ko Paulo, te hui o Keliho Iehu, ma i te taimi nei ko he pagotā ona ko toku tautua ki a Keliho.

Epelu 10:34

Nae puapuagā fakatahi koutou ma nā tino nae falepuipui, ma i te kave fakamālohiga o autou meatōtino, na talia ma te fiafia e koutou, auā na iloa e koutou koi i ei lava ia te koutou nā mea e hili atu te tāua, ni mea e tūmau pea lava ke pa ki te fakavavau.