2 Kolinito 11:17 - Tokelauan New Testament

¹⁷ E ui lava ko taku lea atu vēnei e hē ko te mea ia e fofou te Aliki ke lea atu ai au; kae e tuha ai ma te matākupu tēnei ko te fāfia, ko au e vē moni lava he tino valea i aku tala e fai

2 Kolinito 11:17 ပူးပေါင်းရင်းမြစ်များ

1 Kolinito 7:12

Mo iētahi tino, ko au (ko au kae hē ko te Aliki) e lea atu vēnei: kāfai he tamāloa Kelihiano e nonofo ma he fafine e hē he Kelihiano kae kua malie te fafine ke nonofo pea ki lāua, e hē tatau ke ia tatalagia te lā fakaipoipoga.

1 Kolinito 7:25

E vē la ko te mea na tuhi mai ai koutou e uiga ki nā tino e hēki fakaipoipo: E hē ia te au he fakatonuga mai te Aliki, kae e kavatu hoku lagona, ma e mafai ke talitonu mai koutou ki a te au, ona kua fakaalia te alofa tūnoa o te Aliki ki a te au.

1 Kolinito 7:6

E hē ko he fakatonuga tēnei, kae ko he fakatagaga mai ia te au ke fai ai te mea tēnei e koutou pe kāfai ko te mea ia e fofou koutou ki ei.

2 Kolinito 11:1

Ko au te fofou ke maua koutou i te onohai i nā mea ka lea atu ai au, e tuha lava pe kāfai au e vē e tamā favalevalea.

2 Kolinito 9:4

Kae kāfai ni tino mai Maketonia e oatu ma au, ma papā atu ki mātou ko koutou ko hēki hāuni, te fakamā lele o te mea e pa ki mātou ki ei — kae vēhea ai la te takuvalea lele o koutou — i te mautinoa e koutou e koutou mafaia.