2 Kolinito 11:12 - Tokelauan New Testament

¹² Ko nā mea nae fai e au ka fai pea lava e au, kae ke nahe maua ai e nā tino iēnei e lea koutou ni “apohitolo,” he avanoa ke fai ai ni o lātou fāfifia, ko a lātou gāluega e tutuha lava ma a mātou gāluega e fai.

2 Kolinito 11:12 ပူးပေါင်းရင်းမြစ်များ

Mataio 26:16

Oi na kāmata mai ai lava i te taimi tēnā te tautuku e Iuta o he avanoa, ke ia tukulima atua ai ia Iehu ki a te ki lātou.

1 Kolinito 5:6

E hē tatau koutou ke fāfifia. E hē koutou iloa ko te tamākīkī fefete e fefete ai te paluga kātoa?

1 Kolinito 9:12

Kāfai e i iētahi tino te aiātatau ke tauhi ai ki lātou e koutou, ka hē hili atu nei la ta mātou aiātatau? E ui i tēia, e hēki ki mātou fakaaogā te aiātatau tēnei. Kae kua onohai ki mātou i nā mea uma, kae ke nahe kavea ma mea e tulave ai te Tala Lelei e uiga ki a Keliho.

2 Kolinito 1:17

E i ei nei he manatu ia te koutou ko au e hēki māfaufau fakalelei muamua oi fai ai taku tonu tēnei? Ko koutou e vēakē ko te faiga o aku tonu e vē ko te faiga o tonu a tagata o te lalolagi, e “Io, io” oi toe “Hēai, hēai” i te taimi e fokotahi?

2 Kolinito 10:17

Kae e vē oi leamai te tuhituhiga paia, “Ko ai lava e fia fakaali hona fāfia, fāfia la ona ko nā mea kua fai e te Aliki.”

2 Kolinito 11:18

Kae ona e tokalahi lele ia tagata e fāfifia i nā mea fakatetagata, ko au foki la ka fāfia.

2 Kolinito 11:9

Ma i te taimi tēnā, e hēki fakafītā lele atu au ki a te koutou, kāfai au e fofou ki he tupe; ko nā mea uma lele na manakomia e au, na kaumai e nā uho Kelihiano i Maketonia. E hēki fakafītā atu au ki a te koutou i te taimi kua teka, e vēnā foki oi hē fakafītā au ki a te koutou i te lumanaki.

2 Kolinito 5:12

Ko ki mātou e hē taumafai ke toe fakavikiviki lava ki mātou e ki mātou ki a te koutou; kae ko ki mātou e taumafai ke fai he mea ke fāfifia ai koutou ona ko ki mātou, kae ke mafai ai e koutou oi tali atu ki nā tino e fāfifia ona ko te tūlaga kua i ei he tino, kae hē ona ko nā mea i tona loto.

Kalatia 1:7

Ko te mea moni, e hēai hētahi Tala Lelei! Kae ko au kua lea vēnei atu ona e i ei nā tino e fakalavelave atu ki a te koutou ma taumafai ke liliu kehe koutou mai te Tala Lelei a Keliho.

1 Timoteo 5:14

Ko au la e fofou ko nā fafine tamaiti kua oti a lātou tāne, ke āvavaga ma fai ni a lātou fānau, ma kikila lelei o lātou kāiga, kae ke nahe i ei ai he avanoa ke fai mai ai ni tala fakakino e nā tino e fili ki a te ki tātou.