2 Kolinito 11:1 - Tokelauan New Testament

¹ Ko au te fofou ke maua koutou i te onohai i nā mea ka lea atu ai au, e tuha lava pe kāfai au e vē e tamā favalevalea.

2 Kolinito 11:1 ပူးပေါင်းရင်းမြစ်များ

Mataio 17:17

Kua vāgana atu ia Iehu, “Kai te hē talitonu ma te āmio pikopiko o tagata o tēnei tupulaga! He ā nei te mataloa e tatau ke māfuta ai pea au ma koutou? He ā nei te mataloa ka onohai ai pea au! Kaumai te tamaiti ki a te au!”

Gāluega 18:14

E tau fai atu he fakamatalaga a Paulo, kae lea vē atu ia Kaliono ki nā tino Iutaia, “Anei ake te mea tēnei ko he holitūlāfono kino pe he mea hehē kua fai, e tatau la au ke onohai ma fakalogo ki a te koutou tagata Iutaia.

Gāluega 26:29

Kua tali atu ia Paulo, “Pe pukupuku te taimi pe loa, ko taku tatalo ki te Atua, ko koe ma koutou uma iēnā e fakalogologo mai ki a te au i te aho nei, ke kavea ke vē ko au — kae vāganā ai la, ko au e hē fofou ko koutou ke noanoa i ni filifili!”

1 Kolinito 1:21

Auā ko te poto o te Atua na ia faia ai ke nahe iloa ia e tagata i ho lātou lava poto. Kae e ala i te fekau e folafola e ki mātou, tēia e lea nā tino e “valea,” na tonu ai i te Atua ke fakaola ki lātou e talitonu.

1 Kolinito 3:18

Ia koutou lele nahe fakahehēagia. Kāfai he tino o koutou e manatu ko ia e poto i nā mea o te lalolagi nei, e tatau i te tino tēnā ke kavea ma vale, kae ke poto moni ai ia.

1 Kolinito 4:10

Ona ko Keliho, e kavea ai ki mātou ma tagata vālelea; kae ko koutou e popoto i te māfutaga ma Keliho! Ko ki mātou e vāivai, kae ko koutou e mālolohi! Ko ki mātou e inohia, kae ko koutou e fakaaloalogia e tagata!

1 Kolinito 4:8

Kua maua nei e koutou nā mea uma e manakomia e koutou? Kua maukoloa nei koutou? Kua fai nei koutou ma tupu, e ui lava ko ki māua e hē ni tupu? I hētahi itū, maimau ake ko koutou moni kua kavea ma tupu, kae ke kavea ai foki ki māua ma tupu fakatahi ma koutou.

2 Kolinito 11:19

Ko te lahi o te koutou mālamalama, kua koutou mafaia ai oi onohai i nā mea a nā vale e fai.

2 Kolinito 11:21

Ko au e mā oi taku hako atu, ko ki mātou nae palakakai oi fai ni mea vēnā! Kae kāfai i ei he tino e ia mafai oi fāfia e uiga ki ho mea — e mafai foki e au. (Ko aku tala iēnei e vē ni tala a he tino valea.)

2 Kolinito 11:4

Auā kua fiafia koutou oi fakataga ho he tino e fanatu oi folafola atu e uiga ki he Iehu kehe, e kehe ma te Iehu na folafola atu e ki mātou; ma talia e koutou he agaga ma he tala lelei e kehe mai te Agaga ma te tala lelei na maua e koutou mai ia te ki mātou!

2 Kolinito 12:11

Ko au e vē he vale i aku mea e fai — kae ko koutou te kua māfua ai oi vēnei au, ona na tatau lava ke fakailoa e koutou kua koutou talia au. Auā e tuha lava pe ko au he tino e hēai he aogā, e hēai lele he mea e hili atu ai nā tino fakapitoa iēnei e takua e koutou ni “apohitolo,” i lo au.

2 Kolinito 5:13

Kāfai e fōliga kua hē lelei o mātou māfaufau, ko he mea tēnā e i te va o te Atua ma ki mātou. Kae kāfai o mātou māfaufau e lelei, ko he mea tēnā e mo te koutou lelei.

Epelu 5:2

Ona e vāivai foki ia i te lahi o itū, oi e hē ia honafaia ai foki nā tino e hē mālamalama ma i ei ni o lātou hehē.