2 Kolinito 10:7 - Tokelauan New Testament

⁷ Ko koutou e kikila ki te tino mai o nā mea i te kikila atu ki ei i fafo. E i ei nei ni tino i kinā e ki lātou mautinoa ko ki lātou e ia Keliho? E tatau ke toe māfaufau lelei ki lātou e uiga ki a te ki lātou, auā ko ki mātou e a Keliho, e vē foki lava ko ki lātou.

2 Kolinito 10:7 ပူးပေါင်းရင်းမြစ်များ

Mataio 23:5

Ko a lātou mea uma e fai kae ke kitea ai ki lātou e tagata. Kikila ki te fuaefa o nā taga ei loto ai nā fuaikupu mai nā tuhituhiga paia e tanoa ki o lātou muāulu ma o lātou lima, vēnā ma te loloa o nā mea e fakapipiki ki nā pito o nā kofutatao, ke fakailoa ai ko ki lātou e fakatuatua ki te Atua!

Luka 16:15

Kua vāgana atu ia Iehu ki a te ki lātou, “Ko koutou iēnā e fia āmiotonu i mua o tagata, kae e kitea e te Atua nā mea i outou loto. Auā ko nā mea e fakatāua i te kikila a te tagata, ni mea iēnā e inoino ki ei te Atua.

Ioane 7:24

Nahe faiagia tautou fakamahinoga fuafua ki nā mea e kitea i nā mata, kae fuafua ki te mea e tonu.”

1 Kolinito 1:12

Ko te uiga o taku lea atu: Ko koutou tau tokatahi, e kehekehe nā mea e tautatala ai koutou. E lea tētahi, “Ko au e mulimuli ki a Paulo”; ko tētahi, “Ko au e mulimuli ki a Apolo”; ko tētahi, “Ko au e mulimuli ki a Kepa”; ma tētahi, “Ko au e mulimuli ki a Keliho.”

1 Kolinito 14:37

Kāfai he tino e manatu ko ia ko he pelofeta, pe kua ia te ia he meaalofa fakateagaga, e tatau ke ia hāfia ko te mea e tuhi atu ai au, he fakatonuga e a te Aliki.

1 Kolinito 15:23

Kae ko tagata tau tokatahi ka fakatutū i he fakahologa e tūlaga tatau: E muamua lava ia Keliho, ma i te taimi e toe haele mai ai, oi hohoko ai ki ei ia tagata o te Atua.

1 Kolinito 3:23

ma ko koutou e a Keliho, ma ko Keliho e a te Atua.

1 Kolinito 9:1

E hē ia te au nei te haolotoga? E hē ko au nei he apohitolo? E hēki kō kitea nei ia Iehu to tātou Aliki? E hē ko koutou nei kua vēnā ona ko taku gāluega mo te Aliki?

2 Kolinito 10:1

Ko au ko Paulo, e aioi atu ki a te koutou i te igoa o Keliho, tē e agamalū ma agaalofa. Ko au tē e lea nā tino, e matamuli ma loto maulalo kāfai e fakatahi ma koutou, kae loto hāuā kāfai e i hētahi mea.

2 Kolinito 11:18

Kae ona e tokalahi lele ia tagata e fāfifia i nā mea fakatetagata, ko au foki la ka fāfia.

2 Kolinito 11:23

Ni kaukauna nei ki lātou e a Keliho? Ko au e vē he vale — kae ko au he kaukauna e hili lele atu ia te ki lātou! E hili atu toku galue mālohi, e lahi atu nā taimi nae i te falepuipui ai au, e lahi atu nā taimi na kini ai au, ma e lahi atu nā taimi na mea e mate ai au.

2 Kolinito 11:4

Auā kua fiafia koutou oi fakataga ho he tino e fanatu oi folafola atu e uiga ki he Iehu kehe, e kehe ma te Iehu na folafola atu e ki mātou; ma talia e koutou he agaga ma he tala lelei e kehe mai te Agaga ma te tala lelei na maua e koutou mai ia te ki mātou!

2 Kolinito 12:11

Ko au e vē he vale i aku mea e fai — kae ko koutou te kua māfua ai oi vēnei au, ona na tatau lava ke fakailoa e koutou kua koutou talia au. Auā e tuha lava pe ko au he tino e hēai he aogā, e hēai lele he mea e hili atu ai nā tino fakapitoa iēnei e takua e koutou ni “apohitolo,” i lo au.

2 Kolinito 13:3

Kua ia te koutou nā fakamāoniga uma ko Keliho e tautala kui atu ia te au. Ko Keliho e hē vāivai kāfai e fakatonu e ia koutou, kae e ia fakaalia tona mālohi i te fakatahi o ia ma koutou.

2 Kolinito 5:12

Ko ki mātou e hē taumafai ke toe fakavikiviki lava ki mātou e ki mātou ki a te koutou; kae ko ki mātou e taumafai ke fai he mea ke fāfifia ai koutou ona ko ki mātou, kae ke mafai ai e koutou oi tali atu ki nā tino e fāfifia ona ko te tūlaga kua i ei he tino, kae hē ona ko nā mea i tona loto.

Kalatia 3:29

Kāfai koutou e a Keliho, ko koutou la ni lāpuna e o Apelaamo, ma ka maua e koutou uma nā mea kua uma te folafola e te Atua.

1 Ioane 4:6

Kae ko ki tātou e o te Atua. Ko nā tino e ki lātou iloa te Atua e fakalogo mai ki a te ki tātou; ko nā tino e hē o te Atua e hē fakalogo mai ki a te ki tātou. Ko te mea la tēnei e ki tātou iloa ai te kehekehega i te va o te Agaga o te meamoni ma te agaga o te meahehē.