2 Kolinito 10:3 - Tokelauan New Testament

³ E hako ko ki mātou ni tino e ola i te lalolagi, kae ko ki mātou e hē tau ona ni lagona fakatelalolagi.

2 Kolinito 10:3 ပူးပေါင်းရင်းမြစ်များ

Loma 7:5

Auā i te taimi nae ola ai ki tātou e tuha ai ma o tātou natula fakatetagata, ko nā tuinanauga kino na fakaohofia e te Tūlāfono nae galue i loto o ki tātou, ke maua ai ni fua mo te oti.

Loma 8:13

Auā kāfai koutou e ola e tuha ai ma te fakatetagata, ko koutou la ka pa ki te oti; kae kāfai i te fehoahoani a te Agaga e fakaumatia e koutou outou uiga kino, ko koutou ka ola.

Loma 8:4

Na fai e te Atua te mea tēnei, kae ke fakatino kātoatoa ai te tūlāfono ia te ki tātou e mulimuli ki te takitakiga a te Agaga, kae hē ki te takitakiga a te natula fakatetagata.

2 Kolinito 1:17

E i ei nei he manatu ia te koutou ko au e hēki māfaufau fakalelei muamua oi fai ai taku tonu tēnei? Ko koutou e vēakē ko te faiga o aku tonu e vē ko te faiga o tonu a tagata o te lalolagi, e “Io, io” oi toe “Hēai, hēai” i te taimi e fokotahi?

2 Kolinito 10:4

Ko nā meatau e ki mātou fakaaogā e hē ni meatau o te lalolagi, kae ko nā meatau mālolohi a te Atua, e mafai ai e ki mātou oi talepe nā olo mālolohi. E fakahēaogā e ki mātou nā talitonuga hehē;

Kalatia 2:20

kae ke nahe ko au te ola, kae ko Keliho e ola i loto ia te au. I te ōlaga tēnei e ola ai au i te taimi nei, ko au e ola ona ko toku fakatuatua ki te Ataliki o te Atua, tē e alofa mai ki a te au ma na fōki tona ola kae ke ola ai au.

1 Timoteo 1:18

Timoteo, toku ataliki, e tuku atu e au te fakatonuga tēnei ki a te koe, e tuha ai ma nā kupu o te vāloaga i nā aho kua teka e uiga ki a te koe. Fakaaogā nā kupu iēnā ma meatau, ke tau ai te taua lelei,

2 Timoteo 4:7

Kua vili mālohi au i te tūkuga ki te mea e gata mai ai toku mafai, kua pa au ki te taunukuga, ma na fakamāoni pea lava au ke pa ki te ikuga.

Epelu 12:1

Ko te mea ia, ona ko ki tātou e hikomia e he kaifenua tokalahi o tagata e fai ma molimau, tuku kehe la nā mea uma e fai ma fakalavelave ki a te ki tātou, ma te agahala e pipiki mau mai ki a te ki tātou. Kae tātou fētutuli ma te onohai i te tūkuga ei mua nei o ki tātou,