2 Kolinito 10:15 - Tokelauan New Testament

¹⁵ Ko ki mātou la e hē fāfifia i nā gāluega kua fai e iētahi tino i tua atu o nā tuākoi kua tuku mai e te Atua mo ki mātou. Kae ko ki mātou e fakamoemoe ka tuputupu pea te koutou fakatuatua, ma mafai ai ke fakaopoopo te tokalahi o nā tino ka aofia ia mātou gāluega i te mea e i ei koutou, i loto lava o nā tuākoi kua tuku mai e te Atua.

2 Kolinito 10:15 ပူးပေါင်းရင်းမြစ်များ

Gāluega 5:13

E hēai lele he tino ko hēki talitonu na loto toa ke i ei fakatahi i te mea kua maopoopo ki ei nā tino kua talitonu, e ui lava ko nā tino kua talitonu nae fakaaloalogia lele e tagata.

Loma 15:20

Ko te mea e naunau au ki ei, ke tālaki atu te Tala Lelei ki nā koga ko hēki lagona ai te igoa o Keliho, kae ke nahe ati ake ai e au ki luga o he fakavae na kāmata e hētahi tino.

2 Kolinito 10:13

Kae e vē la ko ki mātou, ko to mātou fāfifia e i ei ona tuākoi; e gata mai lava i nā tuākoi o te gāluega kua tuku mai e te Atua mo ki mātou, ma e aofia ai to mātou gālulue ma koutou.

2 Tehalonia 1:3

Te kau uho, ko ki mātou e tatau ke fakafetai pea ki te Atua i aho uma ona ko koutou. Ko he mea tēnei e tonu ma tatau ke fai e ki mātou, ona ko te fakatuatua o koutou kua tuputupu pea lava ma ko te alofa o koutou uma tau tokatahi mo tētahi ki tētahi, e gaholo lava e lahi.