2 Kolinito 10:13 - Tokelauan New Testament

¹³ Kae e vē la ko ki mātou, ko to mātou fāfifia e i ei ona tuākoi; e gata mai lava i nā tuākoi o te gāluega kua tuku mai e te Atua mo ki mātou, ma e aofia ai to mātou gālulue ma koutou.

2 Kolinito 10:13 ပူးပေါင်းရင်းမြစ်များ

Mataio 25:15

Kua tuku atu e ia ki a te ki lātou tau tokatahi, e fua lava ki te iloa ma te mālamalama o te tino; ki tētahi na tuku atu e ia ki ei te lima tāleni, ki tētahi e lua tāleni, ma tētahi e fokotahi te tāleni. Oi fano ai loa i tana malaga.

Loma 10:18

Kae ko au la e fehili: E moni nei ko hēki fakalogo ki lātou ki te fekau? Ko te meamoni, kua lagona e ki lātou — auā e lea mai te tuhituhiga paia: “Ko o lātou leo kua halalau ki te lalolagi kātoa; ko a lātou kupu kua pa ki nā pito uma o te lalolagi.”

Loma 12:3

Ma e ona ko te meaalofa a te Atua ki a te au, e lea vēnei atu ai au ki a te koutou tau tokatahi uma: Ia koutou lele nahe manatu ko koutou e hili atu te lelei i lo i te tūlaga moni e i ei ai koutou. Kae e tatau koutou ke tukutuku ki lalo outou manatu, ma fuafua te tūlaga e i ei koutou ki te lahi o te fakatuatua kua fōki atu e te Atua ki a te koutou.

Loma 12:6

Ko te mea ia, e tatau ke fakaaogā e ki tātou nā meaalofa kehekehe kua ki tātou maua, e tuha ai ma te alofa tūnoa o te Atua. Kāfai ko te tātou meaalofa ko te folafola o te fekau a te Atua, e tatau ke fai e ki tātou fuafua ki te fakatuatua kua ia te ki tātou;

Loma 15:20

Ko te mea e naunau au ki ei, ke tālaki atu te Tala Lelei ki nā koga ko hēki lagona ai te igoa o Keliho, kae ke nahe ati ake ai e au ki luga o he fakavae na kāmata e hētahi tino.

1 Kolinito 12:11

Kae ko te Agaga lava e fokotahi te ia faia nā mea uma iēnei; i tana lava filifiliga, e ia fōki ai nā meaalofa kehekehe ki tagata tau tokatahi.

Efeho 4:7

Ko te alofa tūnoa kua fōki mai e te Atua ki a te ki tātou tau tokatahi e vē foki lava ko te lahi o te meaalofa a Keliho ki a te ki tātou.

1 Petelu 4:10

Kua tuku atu e te Atua ki a te koutou tau tokatahi nā meaalofa kehekehe ke koutou kikilagia, fakaaogā lelei la ke tautua ai ki iētahi tino.