2 Kolinito 1:9 - Tokelauan New Testament

⁹ Na vēake lava ki māua ko ki mā ka feoti. Kae ko te mea tēnei na tupu kae ke nahe fakalagolago ai ki māua ki a te ki māua lava, kae fakalagolago oioti ki te Atua, e ia toe fakatutūa ia tagata kua oti.

2 Kolinito 1:9 ပူးပေါင်းရင်းမြစ်များ

Luka 18:9

Na fai foki e Iehu te talafakatuha tēnei ki ni tino nae talitonu ko ki lātou ni tino āmiotonu, ma nae inoino lele ki iētahi tino.

Loma 8:36

E vē oi lea mai te tuhituhiga paia, “Ona ko ki mātou e tautua ki a te koe, kua lamatia ai o mātou ola i taimi uma; ko ki mātou e vē ko nā māmoe kua hāuni ke tāmate.”

2 Kolinito 1:10

Na ia fakahaoa ki māua mai te fakamātakutaku kino o te oti; ma ka ia fakahaoa ki māua; ma kua tuku tahi to mā fakamoemoe ki a te ia, ka ia toe fakahaoa ki māua.

2 Kolinito 1:8

Ko ki māua e fofou ke fakamanatu atu ki a te koutou, te kau uho, nā puapuagā na pa ki māua ki ei i itūmālō o Ahia. Ko te lahi ma te mamafa o te kavega na fakauta mai ki o mā luga, na pa ai ki māua ki he tūlaga fakahētonu ma na mea e uma ai o mā ola.

2 Kolinito 3:5

E hēai ho mātou iloa ke mafai ai ke lea ki mātou e ki mātou mafaia oi fai tana gāluega. Ko te Atua lava te na ia fōki maia ki a te mātou, te iloa ma te mafai;

2 Kolinito 4:7

Ka ko ki mātou iēnei kua i ei te koloa fakateagaga, e vē ki mātou ko nā hiā ele fakatauva, ke iloa ai ko te mālohi hilihilikehe, e mai te Atua kae hē mai ia te ki mātou.

Epelu 11:19

Nae mautinoa lava e Apelaamo e mafai e Atua oi toe fakatutū nā tino mai te oti — ma i hētahi itū, na toe fakafoki lava e te Atua ki a Apelaamo tona ataliki ko Ihaako.