2 Kolinito 1:22 - Tokelauan New Testament

²² ma tuku maia tana fakailoga ki o mā luga, ke iloa ai ko ki māua e a ia, ma na ia tuku maia te Agaga Paia ki o mā loto, ke fakamāonia ai nā mea uma lele kua ia hāunia mo ki māua.

2 Kolinito 1:22 ပူးပေါင်းရင်းမြစ်များ

Ioane 3:33

Kae ko ai lava e ia taliagia tana takutinoga, kua ia fakamāonia te moni o te Atua.

Ioane 6:27

Koutou nahe gālulue mo nā meakai e pala; kae gālulue mo nā meakai e tūmau pea lava te lelei, ma e maua ai te ola e fakavavau. Ko nā meakai iēnei ka fōki atu ki a te koutou e te Ataliki o te Tagata, auā kua ia te ia te fakatagaga mai te Atua te Tamana.”

Loma 4:11

Ko Apelaamo na fātoā pelitome mulimuli, ma ko tona pelitome na fai ma fakailoga ke fakailoa ai ko tona fakatuatua, te na fakalelei ai e te Atua tona va ma ia. Ko Apelaamo la, ko te tamana fakateagaga ia o ki lātou uma e talitonu ki te Atua, ma kua fakalelei e te Atua to lātou va ma ia, e ui lava ko ki lātou ko hēki pelitomea.

Loma 8:23

Kae e hē nā ko nā mea na gaohia e te Atua te ōi; ko ki tātou kua ola i te Agaga, te uluaki meaalofa a te Atua, e ōi foki i loto o ki tātou lava, ka koi fakatalitali ki te Atua ke kavea ki tātou ma ana fānau ma fakahaoloto ai o tātou tagata kātoa.

Loma 8:9

Kae ko koutou e hē ola ma mulimuli ki te mea e fakatonu atu e te natula fakatetagata ke fai; ko koutou e ola ma mulimuli ki te mea e fakatonu atu e te Agaga ke fai — pe kāfai moni ko te Agaga o te Atua e nofo i loto ia te koutou. Ko ai lava e hē ia te ia te Agaga o Keliho, e hē a Keliho te tino tēnā.

2 Kolinito 5:5

Ko te Atua lava te kua ia hāuniagia ki mātou mo te hūiga tēnei, ma kua ia tuku maia ki a te ki mātou tona Agaga, ke fai ma fakamāoniga ki nā mea uma kua ia hāunia mo ki mātou.

Efeho 4:30

Ma nahe koutou faia he mea ke fakanoanoa ai te Agaga Paia o te Atua. Auā ko te Agaga Paia ko te fakailoga ia a te Atua kua i outou luga e iloa ai ko koutou e a ia, ko he fakailoga mautinoa tēnā e iloa ai ka i ei te Aho ka fakahaoloto ai koutou e te Atua.

1 Tehalonia 4:8

Ko te mea ia, ko ai lava e teteke ki te akoakoga tēnei, e hē ko te tagata te kua ia tetekea, kae ko te Atua tē e ia fōki atua ki a te koutou, tona Agaga Paia.

2 Timoteo 2:19

Kae ko te fakavae mautū na fai e te Atua, e hē māluelue; ma e tuhi i luga nā kupu iēnei: “E iloa e te Aliki nā tino o ia” ma “Ko nā tino e lea ko ki lātou e a te Aliki, e tatau ke liliu kehe mai a lātou āmio hehē.”

Fakaaliga 2:17

“Kāfai e i ei ni outou taliga, fakalogo la ki te mea e lea ai te Agaga ki nā Ekalehia! “Ki nā tino e ki lātou mauagia te manumālō, ka kō fōkia ki ei he vāega o nā mānai nae mumuni. Ka kō fōkia foki ki a te ki lātou tau tokatahi, he fatu paepae e tūhia i luga he igoa fou e hē iloa e he tino, vaganā ai te tino e fōki e au ki ei.

Fakaaliga 7:3

Kua lea vē atu ki ei, “Nahe fakakinoa e nā matagi te laukelekele, te tai, pe ko nā lākau, heiloga kua uma te fakailoga e ki mātou nā kaukauna a te Atua i he fakamaufakailoga, ki o lātou muāulu.”

Fakaaliga 9:4

Na fakatonu ki lātou ke nahe ki lātou fakakinoa te mutia, pe ko nā lākau, pe ni iētahi tamā lākau; kae ke fakakino oioti nā tino e hē i o lātou muāulu te fakamaufakailoga a te Atua.