2 Kolinito 1:18 - Tokelauan New Testament

¹⁸ E molimau te Atua fakamāoni, ko taku folafolaga na fai atu ki a te koutou, e hē he “Io” pe he “Hēai.”

2 Kolinito 1:18 ပူးပေါင်းရင်းမြစ်များ

Ioane 7:28

Ka koi akoako atu ia Iehu i te Mālumalu, na lea leo lahi lele ai vē, “Oi, e koutou iloa au ma te mea e hau ai au, ni? Ko au e hēki hau i haku pule. Kae ko tē na ia uga maia au, e fakamāoni. E hē koutou iloa ia,

Ioane 8:26

E lahi lele nā mea e tatau ke tautala ai au e uiga kia te koutou, e lahi nā mea e fakahalagia ai koutou. Kae ko tē na ia uga maia au e fakamāoni lava ia, ma e kō fakailoa oioti ki tagata o te tēnei lalolagi, nā mea na kō lagona mai ia te ia.”

1 Kolinito 1:9

Ko te Atua e fakamāoni, te Atua na kalaga atu ki a te koutou ke māfuta fakatahi ma tona Ataliki ko Iehu Keliho, to tātou Aliki.

2 Kolinito 1:23

E molimau te Atua — na ala toku hē fanatu ki a te koutou i Kolinito, ona e hēki fofou au ke toe fakamanuka outou loto.

2 Kolinito 11:31

Ko te Atua ma te Tamana o te Aliki ko Iehu — ke fakamanuia tona igoa ke pa ki te fakavavau — e ia iloa ko au e hē pepelo.

2 Kolinito 2:17

Ko ki mātou e hē vē ko te tokalahi o iētahi tino; e folafola e ki lātou te fekau a te Atua kae ke maua ai ni a lātou tupe; kae ona ko ki mātou na uga mai e te Atua, ko ki mātou e tautatala ma te fakamāoni i mua o te Atua, e ala ia Keliho.

2 Kolinito 6:8

Ko ki mātou e taku leleia e iētahi kae inohia e iētahi; e tauemua e iētahi kae fakavikiviki e iētahi. Ko faiga a tagata e fai mai ki a te ki mātou e vē ai ki mātou ni tino talapepelo, oi ka ko ki mātou e tautatala lava i te meamoni.

1 Ioane 5:20

E iloa e ki tātou ko te Ataliki o te Atua kua hau ma kua ia fakailoa maia te Atua moni. Ko ki tātou e ola i te māfutaga ma te Atua moni — i te māfutaga ma tona Ataliki ko Iehu Keliho. Ko tēnei te Atua moni, ma ko tēnei te ola e hē gata.

Fakaaliga 3:14

“Tuhi vēnei ki te agelu o te Ekalehia i Laotikeia: “Ko te fekau tēnei mai tē e igoa ko te Amene, te molimau e fakamāoni ma e moni, ko ia ko te kāmataga o nā mea uma na gaohia e te Atua.

Fakaaliga 3:7

“Tuhi vēnei ki te agelu o te Ekalehia i Filatelefeia: “Ko tēnei te fekau mai tē e paia, ma e fakamāoni. E ia te ia te kī a Tavita, ma kāfai e tatala e ia he faitotoka e hēai he tino e ia mafaia oi toe tapuni, ma kāfai e tapuni e ia, e hēai tino e ia mafaia oi toe tatala.