2 Kolinito 1:17 - Tokelauan New Testament

¹⁷ E i ei nei he manatu ia te koutou ko au e hēki māfaufau fakalelei muamua oi fai ai taku tonu tēnei? Ko koutou e vēakē ko te faiga o aku tonu e vē ko te faiga o tonu a tagata o te lalolagi, e “Io, io” oi toe “Hēai, hēai” i te taimi e fokotahi?

2 Kolinito 1:17 ပူးပေါင်းရင်းမြစ်များ

Mataio 1:19

Ko Iohefa he tino e ia faia pea lava te mea e hako, kae e hēki fofou ke ia fakamahiahia ia Malia i mata o tagata; na tonu ai i tona māfaufau ke fakauma munimuni te lā fakamau ke nahe iloa e he tino.

Mataio 5:37

Kae lea oioti, ‘Io’ pe ‘Hēai’ — ko ho hētahi mea e lea ai koutou, e mai te Tiāpolo.

Ioane 8:15

Ko te faiga o tautou fakamahinoga, e fai lava i nā faiga fakatetagata; ko au, e hē kō fakamahinoagia he tino.

2 Kolinito 1:12

Ko ki māua e mafai ke fāfifia auā ko o mā lotofuatia e mamā lava. Ko a mā gāluega i te lalolagi nei, kae maihe lava i te va ma koutou, e fai lava ma te fakamāoni ma te loto mamā mai te Atua. Ko te mana o te alofa tūnoa o te Atua te mafai ai nā mea iēnei, kae hē ona ko he poto o te tagata.

2 Kolinito 11:18

Kae ona e tokalahi lele ia tagata e fāfifia i nā mea fakatetagata, ko au foki la ka fāfia.

Kalatia 1:16

fakailoa mai tona Ataliki ki a te au kae ke mafai ai e au oi tālaki te Tala Lelei a uiga ki a te ia ki tagata nukukehe, e hēki hakili fehoahoani au ki he tino,

Kalatia 2:2

Ko au na ala oi fano, ona na fakailoa mai lava e te Atua ki a te au, ko au e tatau ke fano. I ha mātou māfutaga nā ko ki mātou ma nā takitaki, na fakamālamalama ai e au ki a te ki lātou te Tala Lelei kua tālaki e au ki tagata nukukehe. E hē fofou au ko aku gāluega kua uma te fai ma nā gāluega i te lumanaki ke fakahēaogā.

1 Tehalonia 2:18

Ko ki mātou nae fofou ke toe foki atu ki a te koutou. Na taumafai fakafia lava au ke toe foki atu, kae e hēki mafai ona ko Hātani.

Iakopo 5:12

Kae fakamuamua i nā mea uma te kau uho, nahe koutou tautō kāfai e fai he koutou folafolaga. Nahe koutou tautō i te igoa o te lagi pe o te lalolagi pe o hētahi lava mea. Lea vē oioti, “Io” pe kāfai koe e loto ki ei, ma “Hēai” kāfai koe e hē loto ki ei, kae ke nahe kavea ai koutou ki lalo o te fakamahinoga a te Atua.