2 Kolinito 1:16 - Tokelauan New Testament

¹⁶ Auā ko taku fuafuaga na fai, ko au e afe atu ke āhiāhi atu ki a te koutou kāfai au e fano ki Maketonia, ma vēnā foki kāfai e toe taliu mai, kae ke fehoahoani mai ai koutou ki taku malaga ki Iutea.

2 Kolinito 1:16 ပူးပေါင်းရင်းမြစ်များ

Gāluega 15:3

Kua uga atu ki lātou e nā tino o te Ekalehia; ma ka koi malaga atu ki lātou i loto o Foinike ma Hāmālia, na fakailoa e ki lātou e uiga ki nā tino nukukehe kua liliu ki te Atua; ko te tala tēnei na fakafiafia lahi ai nā tino uma kua talitonu.

Gāluega 21:5

Kae ina kua pa ki te aho na tuku e toe folau ai ki mātou, oi olo kehe ai ki mātou. Ko te kau Kelihiano uma lele, ma a lātou āvaga ma a lātou fānau, na olo fakatahi ki mātou ki fafo o te kakai ki te matāfaga, ma i kinā na tōtutuli ai ki mātou uma ki lalo ma tatalo.

Loma 15:26

Auā kua tonu i nā Ekalehia i Maketonia ma Akaia ke kave ha lātou tāulaga ke fehoahoani ki nā tino mātitiva o te Atua i Ieluhalema.

1 Kolinito 16:11

Nahe tino lele e faikino ki ei, kae e tatau ke fehoahoani koutou ki ei oi fakaauau tana malaga i te fīlēmū, kae ke toe fōki mai ai ki a te au; auā ko au e fakatalitali atu ke toe ōmamai ma iētahi uho Kelihiano.