2 Kolinito 1:13 - Tokelauan New Testament

^13-14 Ko ki māua e tuhi atu oioti i nā mea e mafai ke faitau ma mālamalama koutou ki ei. E ui lava la ko hēki kātoatoa te koutou mālamalama, kae e fakamoemoe au ka mafai ke fakakātoatoa lelei, kae ke pa atu ai ki te Aho o to tātou Aliki, ka mafai ke fiafia koutou ona ko ki māua, ma ka vēnā foki ki māua ona ko koutou.

2 Kolinito 1:13 ပူးပေါင်းရင်းမြစ်များ

Gāluega 27:39

E ōtea ake, e hē matea e te kauvaka te talafātai kua i ei ki mātou, kae kua ki lātou kitea atu he faga ma he matāfaga, ma tonu ai ia te ki lātou, kāfai e mafai, ko te vaka ka fakakake i kinā.

1 Kolinito 1:8

Ka tauhia pea lava koutou e ia ke pa ki te ikuga, kae ke nahe i ei lele he mea e hehē ai koutou, i te Aho o to tātou Aliki ko Iehu Keliho.

2 Kolinito 13:6

E talitonu au ka koutou iloa ko ki mātou e hēki pakukū lele i te hukega.

2 Kolinito 4:2

Kua tuku kehe e ki mātou nā uiga mātagā uma ma nā faiga fakalilolilo; e hē taumafai ki mātou ke fakahehē he tino, pe fakaliliu hehē te fekau a te Atua. E molimau te Atua ko ki mātou e tautatala oioti i te meamoni, ma ko te mea ia ka mafai ai ke talitonu mai nā tino ki a te ki mātou.

2 Kolinito 5:11

Kua iloa e ki mātou te mea e takua ko te mataku i te Aliki, ma ko te mea ia e fakamālohi atu ai ki mātou ki iētahi tino. Kua iloa lelei e te Atua ki mātou, ma e fakamoemoe ka vēnā foki oi iloa au e koutou i outou loto.

Filemoni 1:6

Ko taku tatalo ko te fakatahiga a ki mātou ma koutou iēnā kua talitonu, ka maua ai he mālamalamaga lelei e uiga ki nā fakamanuiaga takitahi uma kua ki tātou mauagia, i te māfutaga ma Keliho.