2 Kolinito 1:11 - Tokelauan New Testament

¹¹ E tatau foki koutou ke fehoahoani mai ki a te ki māua e ala i autou tatalo, kae ke tokalahi ia tagata e fakafetai mo ki māua mo nā fakamanuiaga kua maua e ki māua, ona ko nā tatalo iēnei e lahi.

2 Kolinito 1:11 ပူးပေါင်းရင်းမြစ်များ

Gāluega 12:5

Oi na tāofi ai lava ia Petelu i te falepuipui; kae ko tagata o te Ekalehia nae tatalo fakatauanau lava ki te Atua mo Petelu.

2 Kolinito 4:15

Ko nā mea uma iēnei kua fai mo koutou; ma ko te tokalahi o tagata e ki lātou iloa te alofa tūnoa o te Atua, ko te lahi foki ia o tatalo o te fakafetai ma vīkiga ki te Atua.

2 Kolinito 9:14

Ma e alolofa atu lele ki lātou ma tatalo mo koutou, ona ko te hilihilikehe o te alofa tūnoa o te Atua kua fakaalia e ala ia te koutou.

Filipi 1:19

auā e iloa e au ko autou tatalo fakatahi ai ma te fehoahoani mai o te Agaga o Iehu Keliho, ka tatala ai au mai oku noanoataga.

Kolohe 4:3

Tatalo foki mo ki mātou, ke tatala mai e te Atua ki a te ki mātou he avanoa ke tālaki atu ai tana fekau ki te mealilo e uiga ki a Keliho. Auā ko te mea ia e i te falepuipui ai au i te taimi nei.

1 Tehalonia 5:25

Tatalo foki mo ki mātou, te kau uho.

2 Tehalonia 3:1

Ko nā toe mea e lea atu ai au ki a te koutou, te kau uho, koutou ke tatalo mo ki mātou, kae ke mafai te fekau a te Aliki ke fakahalalau vave ma talia fiafia e tagata, e vē lava ona talia e koutou ma te fiafia.

Filemoni 1:22

Ko tētahi mea la, hāuni ko he potu mo oku, auā ko au e fakamoemoe ka tali mai te Atua ki autou tatalo, ma ka mafai ai au ke toe fanatu ki a te koutou.

Epelu 13:18

Nahe uma te koutou tatalo mo ki mātou. Ko o mātou lotofuatia e mamā, ma e taumafai lava ki mātou i taimi uma, ke fai te mea e tonu.