2 Kolinito 1:10 - Tokelauan New Testament

¹⁰ Na ia fakahaoa ki māua mai te fakamātakutaku kino o te oti; ma ka ia fakahaoa ki māua; ma kua tuku tahi to mā fakamoemoe ki a te ia, ka ia toe fakahaoa ki māua.

2 Kolinito 1:10 ပူးပေါင်းရင်းမြစ်များ

Gāluega 26:21

Ko te pogai ia na puke ai au e nā tino Iutaia iēnei ka ko i loto au i te Mālumalu, ma na taumafai ki lātou ke tāmate au.

Loma 15:31

Tatalo ke puipui malu au mai nā tino hē talitonu i Iutea ma ke talia taku galue tautua i Ieluhalema e tagata o te Atua.

2 Kolinito 1:9

Na vēake lava ki māua ko ki mā ka feoti. Kae ko te mea tēnei na tupu kae ke nahe fakalagolago ai ki māua ki a te ki māua lava, kae fakalagolago oioti ki te Atua, e ia toe fakatutūa ia tagata kua oti.

2 Kolinito 6:9

Ko ki mātou e vē ni tino e hē iloa e tagata, oi kae e iloa e tagata uma ki mātou; e vē ki mātou ni tino kua feoti, kae e vē oi koutou kitea, ko ki mātou e ola lava. E ui e kini ki mātou, kae e hē oti ai ki mātou;

1 Timoteo 4:10

Ko ki tātou e fītatā auā ko ki tātou kua fakamoemoe tahi ki te Atua e ola pea, te Fakaola o tagata uma, kae maihe ki lātou kua talitonu.

2 Timoteo 4:17

Kae na fakatahi mai te Aliki ki a te au ma ia fōki maia te mālohi, kae ke mafai ai e au oi tālaki atu te kātoatoaga o te fekau ki tagata nukukehe uma; ma ko au na laveaki mai gutu o leona.

2 Petelu 2:9

E iloa la e te Aliki te auala e fakahao ai nā tino e mātataku i te Atua, mai o lātou puapuagā, ma ia iloa te auala e tāofi ai pea lava nā tino kino i te fakahalaga ke pa ki te Aho Fakamahino,