2 Ioane 1:9 - Tokelauan New Testament

⁹ Ko ai lava e hē tūmau i nā akoakoga a Keliho, kae fakaopoopo e ia ni mea ki ei, e hē ia te ia te Atua. Ko ai lava e tūmau i nā akoakoga, e ia te ia te Tamana vēnā ma te Ataliki.

2 Ioane 1:9 ပူးပေါင်းရင်းမြစ်များ

Mataio 11:27

“Kua fōki mai e toku Tamana ki a te au nā mea uma lele. E hēai he tino e ia iloa te Ataliki vaganā te Tamana, ma e hēai foki he tino e ia iloa te Tamana vaganā te Ataliki ma ki lātou kua filifilia e te Ataliki ke fakailoa ki ei.

Luka 10:22

“Kua fōki mai e toku Tamana ki a te au, nā mea uma lele. E hēai he tino e ia iloa pe ko ai te Ataliki, vaganā te Tamana, ma hēai foki he tino e ia iloa pe ko ai te Tamana, vaganā te Ataliki ma ki lātou kua filifilia e te Ataliki ke fakailoa ki ei.”

Ioane 14:6

Oi tali mai ai ia Iehu ki ei, “Ko au ko te ala ma te meamoni ma te ola; e hēai he tino e fano ki te Tamana, vaganā e kui mai ia te au.

Ioane 15:6

Ko nā tino e hē tūmau to lātou tahi ia te au, e togi kehe e vē ko he lālā ma mamago ai; ko nā lālā vēnei e fakaputu ma togi ki loto o te afi ma mu ai.

Ioane 5:23

kae ke vīkia ai e tagata uma te Ataliki e vē oi vīkia e ki lātou te Tamana. Ko te tino e hē ia vīkia te Ataliki, e hē ia vīkia foki te Tamana na ia uga maia te Ataliki.

Ioane 8:31

Oi vāgana atu ai ia Iehu ki nā tino Iutaia kua talitonu ki a te ia, kua vē atu, “Kāfai koutou e uhitaki ki aku akoakoga, ko koutou ni hoko moni lava e ōku;

Gāluega 2:42

Na fakafano to lātou taimi lahi ke akoako ai ki lātou e te kau apohitolo, ma māfuta fakatahi, kakai fakatahi, ma fai talohaga fakatahi.

Kolohe 3:16

Ko te fekau a Keliho e tatau ke mau i loto ia te koutou, ma fakaaogā te poto ke akoako ma akoaki ai tētahi e tētahi. Lagi nā halamo, nā pehe e uiga ki te ola fakateagaga; pepehe atu ki te Atua ma outou loto fakafetai.

Tito 2:10

pe kaihohoa a lātou mea. Kae e tatau ke fakaali e ki lātou ko ki lātou e lelei pea lava i taimi uma ma fakamāoni, kae ke takuleleia ai nā akoakoga e uiga ki te Atua to tātou Fakaola, i nā mea uma e fai e ki lātou.

Epelu 3:14

Auā ko ki tātou uma e gālulue fakatahi ma Keliho, pe kāfai to tātou talitonu nae i ei i te kāmataga, e tūmau pea lava ke pa ki te ikuga.

Epelu 6:1

Tātou olo la ki mua ki nā akoakoga mo nā tino mātutua, kae tuku nā lehona muamua e uiga ki a Keliho. E hē tatau ke haga talanoa pea lava ki tātou ki te māfuaaga e tatau ai ki tātou ke liliu kehe mai nā faiga e hēai he aogā, ma pe aiheā foki te tatau ai ki tātou ke talitonu ki te Atua.

1 Ioane 1:3

Ko nā mea kua kikila ma fakalogo ki mātou ki ei, kua fakailoa atu e ki mātou ki a te koutou, kae ke mafai ai ke i ei koutou ma ki mātou i te māfutaga fakatahi ma te Tamana ma tona Ataliki ko Iehu Keliho.

3 Ioane 1:9

Na tuhi taku tuhi pukupuku ki te Ekalehia; kae ko Tiotelefe, he tino e fofou ke kavea ia ma takitaki, e hē fia fakalogo mai ki a te au.