2 Ioane 1:6 - Tokelauan New Testament

⁶ Ko te uiga o te alofa e lea atu ai au, ko ki tātou e tatau ke ola uhitaki ki nā mea e fakatonu mai e te Atua. Ko te fakatonuga la e vē ona fakalogo koutou ki ei mai te kāmataga, e lea mai ko ki tātou uma e tatau ke ola i te alofa.

2 Ioane 1:6 ပူးပေါင်းရင်းမြစ်များ

Ioane 14:15

“Kāfai koutou e alolofa mai ki a te au, tauhi la ki aku fakatonuga.

Ioane 14:21

“Ko nā tino e talia e ki lātou aku fakatonuga ma uhitaki ki ei, ko ki lātou iēnā e alolofa mai ki a te au; ma ko nā tino e alolofa mai ki a te au, ka alofa ki ei toku Tamana; ma ka vēnā foki ona alofa au ki ei, ma kō fakailoa au ki a te ki lātou.”

Ioane 14:23

Kua tali mai ia Iehu ki ei, “Ko nā tino e alolofa mai ki a te au, ka uhitaki ki aku akoakoga. Ka alofa toku Tamana ki a te ki lātou, ma ka oatu ki māua ma toku Tamana ki a te ki lātou ma nonofo fakatahi ma ki lātou.

Ioane 15:10

Kāfai koutou e uhitaki ki nā mea e fakatonu atu ai koutou e au, ka tūmau foki koutou i toku alofa, e vē lava ona uhitaki au ki nā mea e fakatonu mai e te Tamana, ma tūmau ai au i tona alofa.

Ioane 15:14

Ma ko koutou ni uō e āku, kāfai koutou e uhitaki ki nā mea e kō fakatonua ai koutou.

1 Ioane 2:24

Ke mautinoa la e teu pea i outou loto te fekau na fakalogo koutou ki ei mai te kāmataga. Kāfai koutou e tauhi ki te fekau tēnā, ko koutou foki la ka ola pea lava i te hokotaga ma te Ataliki ma te Tamana.

1 Ioane 2:5

Kae kāfai he tino e uhitaki ki tana kupu, ko te meamoni lava, ko te tino tēnā kua kātoatoa te lelei o tona alofa ki te Atua. Ko te mea tēnei e mautinoa ai ko ki tātou e i ei i te māfutaga ma te Atua:

1 Ioane 2:7

Te kau uho pele, ko te fakatonuga e tuhi atu ai au ki a te koutou e hē ko he fakatonuga fou; ko te fakatonuga lava tēnei e fokotahi na fōki atu ki a te koutou i te kāmataga. Ko te fakatonuga tuai ko te fekau ia kua uma te fakalogo o koutou ki ei.

1 Ioane 5:15

E ia lagona mai ki tātou i ho he taimi e gogō atu ai ki tātou ki a te ia. E iloa e ki tātou ko te mea tēnei e hako, ma ko ho he mea lava e gogō atu ai ki tātou ki a te ia, e fōki mai e ia.

1 Ioane 5:3

Auā ko te alofa o ki tātou ki te Atua e kitea i to tātou uhitaki ki nā fakatonuga kua tuku mai ki a te ki tātou. Ma ko ana fakatonuga e hē faigatā mo ki tātou,

2 Ioane 1:5

Ma ko au la e lea atu vēnei ki a te koe te Māfine pele: ko ki tātou uma e tatau ke alofa tētahi ki tētahi. E hē ko he fakatonuga fou tēnei kua tuhi atu ai au; ko te fakatonuga na tuku mai lava ki a te ki tātou mai te kāmataga.