2 Ioane 1:5 - Tokelauan New Testament

⁵ Ma ko au la e lea atu vēnei ki a te koe te Māfine pele: ko ki tātou uma e tatau ke alofa tētahi ki tētahi. E hē ko he fakatonuga fou tēnei kua tuhi atu ai au; ko te fakatonuga na tuku mai lava ki a te ki tātou mai te kāmataga.

2 Ioane 1:5 ပူးပေါင်းရင်းမြစ်များ

Ioane 15:12

Ko taku fakatonuga la tēnei: ke alofa tētahi ki tētahi e vē ona alofa atu au ki a te koutou.

Ioane 15:17

Ko tēnei la te mea e fakatonu atu ai koutou e au; ke alofa tētahi ki tētahi.

Kalatia 5:22

Kae ko te Agaga e fua mai ai te alofa, te fiafia, te fīlēmū, te onohai, te agalelei, te āmio lelei, te fakamāoni,

Efeho 5:2

E tatau nā ōlaga o koutou ke pūlea e te alofa, e vē ko te alofa o Keliho ki a te ki tātou ma na fōki ai tona ola mo ki tātou, ke fai ma tāulaga manogi e fiafia ki ei te Atua.

1 Tehalonia 4:9

E hē tatau ki mātou ke tuhi atu e uiga ki te koutou alolofa ki outou uho Kelihiano. Kua uma lava te akoako atu o koutou e te Atua i te mea tēnei;

Epelu 13:1

Ke tūmau pea te alofa o tētahi ki tētahi e vē ona tatau ke fai e tagata uma kua mulimuli ki te Aliki.

1 Petelu 4:8

Kae fakahilihili ai, ke tūmau pea lava te alofa o tētahi ki tētahi, auā ko te alofa e kave kehea ai te lahi o agahala.

2 Petelu 1:7

ki te mataku i te Atua, fakaopoopo ki ei te alofa faka-Kelihiano; ki te alofa faka-Kelihiano, fakaopoopo ki ei te alofa ki tagata uma.

1 Ioane 3:11

Ko te fekau na fakalogo koutou ki ei mai te kāmataga ko tēnei: e tatau ki tātou ke alofa tētahi ki tētahi.

1 Ioane 3:23

Ko te Atua e fofou ko ki tātou ke talitonu ki tona Ataliki ko Iehu Keliho, ma ke alofa tētahi ki tētahi. Ko tēnei foki lava te mea na fakatonu mai e Keliho ke fai e ki tātou.

1 Ioane 4:20

Kāfai ki tātou e lea ko ki tātou e alolofa ki te Atua kae inoino ki o tātou uho ma o tātou tuafafine, ko ki tātou ni tino tala pepelo. Auā e hē mafai ki tātou ke alolofa ki te Atua e hē ki tātou kiteagia, kāfai ki tātou e hē alolofa ki o tātou uho ma o tātou tuafafine e kitea e ki tātou.

2 Ioane 1:1

Mai te Toeaina — Ki te Fafine pele ma tana fānau, e alofa lahi au ki ei. Ma e hē nā ko au oioti, kae ko ki lātou uma e iloa te meamoni, e alolofa atu ki a te koutou,