2 Ioane 1:3 - Tokelauan New Testament

³ Ke ia te ki tātou te alofa tūnoa, te agalelei ma te fīlēmū mai te Atua te Tamana ma Iehu Keliho te Ataliki o te Tamana; ke kavea nā mea iēnei mo ki tātou, e ala i te meamoni ma te alofa.

2 Ioane 1:3 ပူးပေါင်းရင်းမြစ်များ

Loma 1:7

Oi ko au la e tuhi atu ki a te koutou uma i Loma, koutou iēnā e alofa ki ei te Atua, ma kua kalagagia e te Atua ke kavea ma ona tagata: Ke ia te koutou te alofa tūnoa ma te fīlēmū mai te Atua to tātou Tamana ma to tātou Aliki ko Iehu Keliho.

Kalatia 5:6

Auā kāfai ki tātou e i te hokotaga ma Keliho Iehu, e hēai lele he mea e kehe ai pe kua pelitome pe hēai. Oioti lava te mea e tāua ko te koutou fakatuatua e mafai ai koutou ke alolofa ki iētahi tagata.

1 Timoteo 1:14

Na fakatumulia au i te alofa tūnoa o to tātou Aliki ma ia fōki maia ki a te au te fakatuatua ma te alofa, e ala i te māfutaga ma Keliho Iehu.

1 Timoteo 1:2

Ki a Timoteo, toku ataliki moni i te talitonuga faka-Kelihiano: Ke ia te koe te alofa tūnoa, te agalelei ma te fīlēmū mai te Atua te Tamana ma Keliho Iehu to tātou Aliki.

2 Timoteo 1:13

Pipiki mau ki nā kupu moni na akoako atu ai koe e au ke fai ma takiala ki a te koe, ma tūmau i te fakatuatua ma te alofa e maua e ki tātou i te māfutaga ma Keliho Iehu.

1 Ioane 4:10

Ko tēnei te mea e takua ko te alofa: e hē ona ko ki tātou e alolofa ki te Atua, kae ona ko tona alofa mai ki a te ki tātou na ia uga maia ai tona Ataliki, kae ke māgalo ai a tātou agahala.

2 Ioane 1:1

Mai te Toeaina — Ki te Fafine pele ma tana fānau, e alofa lahi au ki ei. Ma e hē nā ko au oioti, kae ko ki lātou uma e iloa te meamoni, e alolofa atu ki a te koutou,